Tjöruhúsið á Ísafirði #Ísland

 

Tjöruhúsið á Ísafirði

Tjöruhúsið á Ísafirði

Í vor tókum við þátt í auglýsingu í verkefninu Ferðumst innanlands, en okkar atriði var tekið upp í Tjöruhúsinu og má segja að það hafi verið ást við fyrstu sýn, enda borðuðum við leikmunina upp til agna.
Ekki síðra var að koma núna þegar allt var komið á fullt og Íslendingar fylltu salinn. Við grínuðumst með að það væri allt okkur að þakka, en sannleikurinn er sá að Íslendingar eru bara algjörlega frábærir þegar þeir taka sig til og hjálpast að. Það var ekki eitt hótelherbergi laust á Ísafirði, en við fengum inni á Fisherman á Suðureyri

TJÖRUHÚSIÐÍSAFJÖRÐURFERÐUMST INNANLANDS –  FERÐAST UM ÍSLANDVESTFIRÐIR

.

Bergþór og Haukur

Haukur veitingamaður kom upp slíkri stemningu með því einu að kynna hvernig kvöldið færi fram, að allt varð frjálslegt og létt og eins og allir þekktust. Við lentum á borði með fjórmenningum sem voru í mótorhjólaferð um landið og það var eins og við hefðum hitt gamla vini, þótt við þekktumst ekki áður.
En þar með er bara hálf sagan sögð. Skemmst er frá því að segja að maturinn stóð undir væntingum og vel það, fyrst var dásamleg fiskisúpa og svo rann inn á hlaðborð hellingur af pönnum með mismunandi fiskréttum og bókstaflega allir réttirnir gældu við bragðlaukana (hæfilega kryddaðir og ferskir, eins og Páll orðaði það) ásamt hinum og þessum gómsætum salötum. Við fórum þrisvar og fengum okkur hlaðna diska, borðuðum á okkur gat og hnepptum frá! Takk fyrir okkur, þetta var ekki í síðasta skiptið sem við örkum í Tjöruhúsið.

Albert og Haukur
Við Tjöruhúsið
Steiktar gellur

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.