Snöggsteiktar rjúpubringur
Æ oftar heyrist að ekki þurfi að láta rjúpur hanga vikum saman fram að matreiðslu eins og algengt var áður fyrr. Þessi rjúpa hékk í tíu daga og bragðaðist alveg ljómandi vel, var bæði mjúk og bragðgóð. Það er um að gera að steikja líka hjartað og fóarnið en matsatriði hvort lifrin eigin að notast með. Hún er bragðsterk – kannski ráð að frysta hana og nota í næsta lifrarbuff (t.d. blanda saman við kjúklingalifur).
— RJÚPUR — VILLIBRÁÐ — ÍSLENSKT — LIFRARBUFF — HRÚTABER — BREIÐDALUR — JÓLIN —
.
Snöggsteiktar rjúpubringur
1 rjúpa
1 msk ólífuolía
1 msk smjör
1-2 dl vatn
1 msk villibráðakrydd – t.d. frá Prima
1 msk hrútaberjahlaup
10-20 einiber
salt og pipar
1 dl koníak
2 dl rjómi
1 dl rjómaostur.
Hamflettið rjúpuna, skerið bringurnar frá og takið til hliðar.
Steikið beinin, hjartað og fóarnið á heitri pönnu í olíu og smjöri. Hellið koníakí út á og kveikið í. Bætið grænmeti, t.d gulrótum, selleríi og blaðlauk. Loks vatni svo fljóti yfir og sjóðið í um klst. Sigtið. Bætið kryddi saman við soðið, hrútaberjahlaupi(eða bláberjasultu), rjóma og rjómaosti. Gott er að ljúka sósunni áður en byrjað er á bringunum.
Steikið bringurnar í olíu og smjöri á heitri pönnu, saltið og piprið. Snúið nokkrum sinnum en gætið að steikja ekki of mikið.
Sósunni hellti ég í bökuform, skar bringurnar í bita og stakk tannstöngli í hvern og setti í sósuna og hrútaberjahlaup á milli.
.
— RJÚPUR — VILLIBRÁÐ — ÍSLENSKT — LIFRARBUFF — HRÚTABER — BREIÐDALUR —
— SNÖGGSTEIKTAR RJÚPUBRINGUR —
.
