Smalabaka
Smalabaka (eða Shepherd’s pie) er einn af þessum réttum sem aldrei klikka – einfaldur, saðsaman og hlýlegur heimilismatur. Grunnurinn er kjötsósa með kryddum og grænmeti, toppuð með mjúkri kartöflumús sem fær fallega gyllta skorpu í ofninum.
Til eru ótal útgáfur af smalaböku og hver og einn á sína uppáhalds. Sumir bæta við gulrótum eða baunum úr dós, aðrir nota bara það sem er til í ísskápnum. Það er einmitt það sem gerir réttinn svo skemmtilegan – hann er bæði sveigjanlegur og einstaklega heimilislegur.
Þessi útgáfa er einföld, bragðgóð og hentar vel bæði í hversdagskvöldmat og þegar þú vilt elda eitthvað sem slær í gegn. Þægilegur, einfaldur og góður matur.
.
— KJÖT — HAKK — BÖKUR — KARTÖFLUMÚS — GRÆNAR BAUNIR —
.
Smalabaka
3 msk ólífuolía
1 laukur
500 g hakk
1 tsk rósmarín
1 tsk timían
salt og pipar
2-3 hvítlauksrif, söxuð
3 msk tómatpuré
kjötkraftur
Smá vatn (ef þarf)
2 msk hveiti
1,5 dl frosnar grænar baunir
1 dl niðursoðnar maísbaunir
steinselja
Saxið laukinn og steikið í olíu. Bætið við hakki og látið malla. Bætið við rósmaríni, timían, salti, pipar og hvítlauk, tómatpuré, nautakrafti og vatni.
Sjóðið í nokkrar mínútur. Slökkvið undir, stráið hveitinu yfir og hrærið því síðan saman við.
Bætið við grænum baunum og maís.
Setjið í eldfast form, kartöflumús yfir og bakið við 175°C í um 30 mín eða þangað til kartöflumúsin hefur tekið lit.
Þessi útgáfa er einföld, bragðgóð og hentar vel bæði í hversdagskvöldmat og þegar þú vilt elda eitthvað sem slær í gegn. Þægilegur, einfaldur og góður matur.
Fleira áhugavert:
— Umgengni og kurteisi í opnum vinnurýmum — Lagt á borð með pentudúk í viðhafnarbroti – úr bók frá 1916 — Tveggja sólarhringa fasta, bara vatn — Lax í sítrónusósu — Gamaldags heilhveitibrauð — Peruterta, þessi gamla góða — Skúffukaka sem klikkar aldrei — Sírópskökur —