Eplakaka með mulningi
Judy Tobin kom með eplaköku með mulningi í vinnuna og gladdi okkur samstarfsfólk sitt mjög. Hún tók nokkrar góðar apple-crumb-cake uppskriftir og bjó til úr þeim þessa.
— JUDY TOBIN — EPLAKÖKUR — ÍSAFJÖRÐUR —
.
Epla mulningur
5 epli, afhýdd og skorin frekar smátt
1/2 sítróna, rifinn börkur og safi
2 – 3 msk berjasulta
½ tsk kanill
sykur eftir smekk
smá vatn
1 msk hveiti
Setjið allt í pott og sjóðið í c.a. 10 mínutur. Hellið í eldfast mót.
Mulningurinn ofan á:
250 g hveiti
125 g smjör
1 msk sykur
1 msk púðursykur
1 dl tröllahaframjöli
1 dl möndluflögur.
Hrærið saman smjöri og hveiti þangað til það er eins og brauðmylsna – best að gera þetta í höndunum.
Bætið við sykri, púðusykri, tröllahaframjöli og möndluflögum. Stráið mulningnum yfir eplin og bakið í ofni í 175°C þangað til mulningurinn er gullinbrúnn (c.a. 15 mín)
Berið fram með þeyttum rjóma eða vaniluís.
— JUDY TOBIN — EPLAKÖKUR — ÍSAFJÖRÐUR —
.
