Danskt jólakonfekt (eða danskir jóladrjólar)
„Alveg frá því að ég hóf búskap hér á Íslandi, eftir að námsárum í Danmörku lauk, hef ég búið til þetta jólakonfekt. Þeir sem til þekkja á Norðurlöndum, vita að þar leikur marsipan lykilhlutverk í allri konfektgerð, sérstaklega fyrir jólin. Sjálf bý ég til stóra uppskrift því mér finnst svo gaman að gefa vinum svona glaðning á aðventu.” segir Auður Leifsdóttir sem útbjó jólakonfektið ásamt Evu Dögg dóttur sinni.
— JÓLIN — KONFEKT — AUÐUR LEIFS — DANMÖRK —
.
Danskt jólakonfekt (eða danskir jóladrjólar)
750 g marsipan
150 g suðusúkkulaði + 2 msk palmín eða smjör
50 g heslihnetur
50 g möndlur
100 g döðlur
100 g rúsínur
100 g fíkjur
Allir ávextirnir eru hakkaður ásamt súkkulaðinu. Síðan er það sett í hrærivél með marsípaninu og til að mýkja massann og gefa bragð þá set ég gjarnan púrtvín eða það áfengi sem er til ásamt smá appelsínusafa.
Massinn er mótaður í lengjur sem svo eru þaktar bræddu súkkulaði. Ég set súkkulaðið yfirleitt í örbylgjuofninn og set ýmist smjör eða Palmin saman við heitt súkkulaðið svo það storkni betur. Síðan skreytir hver og einn að eigin smekk.
Njótið vel og gleðileg jól
— JÓLIN — KONFEKT — AUÐUR LEIFS — DANMÖRK —
.
