Blómaafhendingar
Þegar blóm eru afhent á sviði er mikilvægt að þeir sem taka þátt tali saman fyrirfram og, ef mögulegt er, æfi ferlið lauslega. Slík undirbúningur kemur í veg fyrir óþægilegar uppákomur og tryggir að afhendingin gangi snurðulaust fyrir sig.
Blómaafhending ætti að vera lipur og látlaus. Yfirleitt er best að ganga ákveðið inn á sviðið með blómin þegar flytjendur hafa hneigt sig í fyrsta sinn. Þá er athygli salargestanna enn á sviðinu og allt rennur eðlilega áfram. Kossar og langar kveðjur eru óþarfir við slíkt tækifæri; einföld og virðuleg afhending er bæði fallegri og skilvirkari.
Sama gildir um hneigingar sjálfar – þær njóta sín best þegar þær eru undirbúnar og samræmdar.
.
Þakkarræður
Fátt er eins eftirminnilegt og notalegt og vel fluttar innihaldsríkar þakkarræður. Stuttar líflegar ræður eru bestar. Ég-um-mig-frá-mér-til mín-ræðurnar eru verstar. Það er eins með þakkarræður og aðrar ræður: þarf að undirbúa.
Varast ber að vera með upptalningu á fólki sem lagði hönd á plóg – oftar en ekki gleymast einhver nöfn sem getur verið óheppilegt og jafnvel móðgandi.
Niðurstaðan er: Undirbúum blómaafhendingu og undirbúum þakkarræður vel.
.