Hrukkur hér og þar

Eldhúsbókin 1962 hrukkur ennishrukkur broshrukkur Brosviprur Hrukkuráð úr Eldhúsbókinni Heimilisbókaútgáfan gömul húsráð gott ráð Heimilisbókaútgáfan gaf út Eldhúsbókina á árunum 1958-1986. Blaðið er hið veglegasta, uppskriftir, fróðleikur, húsráð, handavinna og blómaþáttur svo eitthvað sé nefnt. — Hrukkuráð úr Eldhúsbókinni

Það er gaman að skoða gömul húsráð. Í Eldhúsbókinni í mars 1962 eru þessi fínu ráð um hrukkur.

Heimilisbókaútgáfan gaf út Eldhúsbókina á árunum 1958-1986. Blaðið er hið veglegasta, uppskriftir, fróðleikur, húsráð, handavinna og blómaþáttur svo eitthvað sé nefnt.

Hrukkur hér og þar

Hrukkur koma fyrr eða seinna, og hver vill ekki forðast þær eins lengi og hægt er?

Ennishrukkur

Það er hreinn og beinn ávani að hrukka ennið. Þegar við tökum eftir því, að við hrukkum ennið, ættum við að taka í taumana í tæka tíð. Við ættum að leyfa okkur að eyða fimm mínútum á hverjum degi í örlítið ennisnudd. Við þurfum aðeins feitt krem, og svo nuddum við með vísifingri og löngutöng í boga frá nefinu og upp ennið. Nuddið jafnt og þétt allan tímann.

Broshrukkur

Brosviprur geta verið fallegar, en þegar þær fara að dýpka og festast, er öðru máli að gegna. Þá er ekkert fallegt við þær. Látið munninn mynda O, berið gott næringarkrem í kring og nuddið með vísifingri og þumalfingri frá hökunni og upp að nefinu. Fimm mínútur hafa undraverð áhrif.