Framsóknarkaffi í Fjarðabyggð

kornflexmarengs marengs-- FÁSKRÚÐSFJÖRÐUR -- FRAMSÓKN -- Arnfríður eide helga ósk þórormsdóttir hafþórsdóttir PAVLOVUR -- NESKAUPSTAÐUR -- SÚKKULAÐITERTUR -- BAILEYS -- STÖÐVARFJÖRÐUR -- BREIÐDALUR -- MJÓIFJÖRÐUR -- HALLORMSSTAÐUR -- ESKIFJÖRÐUR -- elsa guðjónsdóttir tinna smáradóttir jón björn hákonarson guðfinna stefánsdóttir birgir jónsson þuríður lillý sigurðardóttir pálína margeirsdóttir fáskrúðsfjörður wathnes wathneshús
Framsóknarfólk fyrir framan Wathneshúsið á Fáskrúðsfirði. Tinna, Karen, Bjarki, Elís Pétur, Þuríður Lillý, Jón Björn, Pálína, Birgir, Bjarney, Arnfríður, Bjarni, Margrét og Guðfinna

Framsóknarmenn buðu í kaffi á Fáskrúðsfirði og sáu sjálf um veitingarnar. Norðfirðingurinn Jón Björn Hákonarson er efsti maður á listanum, saman fórum við í vinabæjarheimsókn til Gravelines fyrir nokkrum árum en kynnin hófust þegar hann harðduglegur, útsjónarsamur, samviskusamur unglingurinn kom að vinna með skólanum í Egilsbúð í Neskaupstað.

💚

FÁSKRÚÐSFJÖRÐURFRAMSÓKNPAVLOVURNESKAUPSTAÐURSÚKKULAÐITERTURBAILEYSSTÖÐVARFJÖRÐURBREIÐDALURMJÓIFJÖRÐURHALLORMSSTAÐURESKIFJÖRÐUR

💚

Glæsilegt kaffihlaðborð Framsóknarfólks
Strangheiðarlegur kornflexmarengs í boði Bjarneyjar Hallgrímsdóttur á Eskifirði „Ég ætla nú bara að skella í einn strangheiðarlegn kornfleksmarens með eskfirskum bláberjum inní, ásamt jarðaberjum, rjóma og súkkulaði (ekki alveg búin að ákveða súkkulaðið, sennilega After eigth eða Pipp.”

Strangheiðarlegur kornflexmarengs

4 eggjahvítur
3 ½ dl sykur
1 tsk lyftiduft
1 glas mulið kornflex.

Baka við 130-150°C í 1½- 2 klst og slökkva á ofni og láta kólna inn í ofninum

Inní og skreytt með:

Bláber týnd í hlíðum Eskifjarðar
Jarðaber
After eight ( eða Pipp)
Súkkulaðispænir (stráð yfir rjómann inní)
½ ltr rjómi

 

Norðfirðingurinn Jón Björn kom með Döðluköku með karamellusósu allra tíma. „Það er örugglega hægt að finna mun betri bakara en mig, ég er mun skárri í eldamennsku. En hér er uppskrift af einni minni uppáhalds köku sem skipt hefur sköpum á pólitískum vettvangi”

Döðlukaka með karamellusósu 

5 msk sykur
120 g smjör, við stofuhita
2 egg
100 g hveiti
210 g döðlur
1 tsk matarsódi
1/2 tsk kanill
1/2 salt
1/2 vanillu extract, eða dropar
1/2 tsk lyftiduft

Aðferð:

Setjið döðlurnar í pott og látið vatn fljóta yfir, þegar vatnið nær suðu takið þá pottinn af hitanum og látið hann standa í 3 – 4 mínútur. Það er gott að stappa döðlurnar rétt aðeins með gaffli.
Blandið matarsóda saman við döðlumaukið og blandið því vel saman. Leyfið blöndunni að
standa í svolitla stund.
Næsta skref er að þeyta smjör og sykur saman þar til blandan verður létt og ljós, bætið einu og einu eggi saman við og gott er að þeyta í eina mínútu á milli.
Setjið þurrefnin saman við ásamt vanillu. Þeytið í smá stund og bætið síðan döðlumaukinu saman við í þremur skömmtum.
Smyrjið hringlaga form og hellið deiginu í formið. Bakið við 180°C í 35 – 40 mínútur.

Karamellusósa guðanna

120 g smjör
1 1/2 dl rjómi
120 g púðursykur

Hitið öll hráefnin í potti þar til karamellan fer að sjóða, hrærið reglulega í pottinum þar til karamellan er hæfilega þykk. .

Tinna Hrönn Smáradóttir kom með Sælubombuna góðu. Ólyginn sagði að hún hafi dúxað í verklegri matreiðslu í Húsmæðraskólanum á Hallormsstað fyrir tuttugu árum.”
Sælubomba Tinnfríðar

 

Sælubomba Tinnfríðar

Botnar:
5 eggjahvítur
4 dl púðursykur
1-2 bollar rice crispies

Krem á milli:
1,5 stk Mars
0,5 L rjómi

Krem ofan á:
2,5 stk Mars
60 g smjör
5 eggjarauður
3 msk sykur

Aðferð:
Botnar: Eggjahvíturnar eru stífþeyttar og púðursykrinum svo bætt útí smám saman og þeytt saman við. Þegar sykurinn er kominn alveg saman við hvíturnar er rice crispies bætt útí og hrært varlega saman við. Uppskriftin passar vel á tvo 26 cm hringi á bökunarpappír og gott er að ýfa deigið aðeins upp með gaffli til að gera botnana “hraunaða” til að fanga kremið sem kemur ofan á. Bakað á blæstri við 150° C í um það bil 90 mínútur til að fá botnana vel þurra í gegn. Gott er að slökkva á ofninum eftir bökunartímann og láta botnana vera áfram í ofninum.

Á milli: Rjóminn er þeyttur, Mars brytjað smátt og blandað saman við og sett á milli botnanna þegar þeir eru orðnir kaldir.

Krem ofan á: Mars og smjör er brætt saman í potti (blandan mun ekki bráðna alveg saman, alltaf einhverjir kekkir), leyfið blöndunni að kólna aðeins.
Eggjarauður og sykur þeytt saman þar til létt og ljóst. Marsblöndunni hrært varlega saman við eggin svo úr verður krem. Kremið kælt í ísskáp í um 30 mínútur og hrært upp í því öðru hvoru. Að lokum er þessu guðdómlega kremi hellt yfir kökuna. Gott að hafa kökuna á stórum diski þar sem kremið lekur líklega fram af kökunni.
Það er flott að skreyta kökuna með því að bræða suðusúkkulaði og sletta því yfir kremið eða toppa með jarðarberjum!
Þessi terta er líka guðdómleg með Snickers fyrir þá sem “fíla” hnetukeim, þá skipti ég Mars út fyrir Snickers, einnig má nota hvort tveggja, það getur bara ekki klikkað!

Ostakaka Öddu. Elsa Guðjónsdóttir á Fáskrúðsfirði kom með ostaköku sem hún tileinkar Arnfríði Guðjónsdóttur (Öddu Geirs). „ég vann með henni að undirbúningi kosningakaffi til margra ára fyrir XB.”

Ostakaka Öddu

Botn:
250gr makkarónukökur muldar
75 gr smjör

Fylling:
þeyta saman eftirfarandi
300gr rjómaostur
200gr flórsykur
2tsk vanillusykur
Bæta út í 1/2 lítra af þeyttum rjóma

Öllu heltu yfir botninn og fryst

Krem:
Bræða saman yfir vatnsbaði
200gr suðusúkkulaði
3 msk rjómi

kælt dálítið
út í kremið fer svo 1 dós af sýrðum rjóma og hrært vel
Kreminu er svo helt yfir kökuna frosna og hún skreytt með jarðarberjum.

Bláberjakaka Róshildar. Margrét Sigfúsdóttir kom með þessa girnilegu bláberjaköku. „Þetta er bláberjakaka án sykurs. Það er sífellt algengara að einstaklingar kjósi eða einfaldlega þurfi að sneiða hjá sykri og fannst mér nauðsynlegt að hafa eina slíka köku á borðinu. Bláber vaxa mikið í Mjóafirði, þar sem ég er fædd, uppalin og búsett að stórum hluta ársins. Þau eru einkennandi fyrir svæðið og kjörin til að nýta í köku. Og já Róshildur er bróðurdóttir mín og uppskriftin kemur frá henni.”

Bláberjakaka Róshildar

1 ½ dl hveiti
1 ½ dl sætuefni t.d. Sweet like sugar sæta eða Erýtrítól
3 dl haframjöl
½ tsk. matarsódi
200 g bráðið smjör
300 g fersk eða frosin bláber
½ dl kókosmjöl
2/3 dl möndluflögur

Blandið hveiti, sætu, haframjöli og matarsóda saman í skál.
Setjið bráðið smjör út í og hrærið saman. Deigið á að vera sundurlaust.
Setjið 2/3 af deiginu í smurt eldfast form. Dreifið en þjappið ekki.
Setjið bláberin yfir.
Blandið kókosmjöli og möndluflögum út í deigið sem eftir er og dreifið yfir berin.
Bakið í miðjum ofni við 180° í 20 mínútur.
Berið kökuna fram volga með þeyttum rjóma eða ís.

..

Fáskrúðsfirðingurinn Arnfríður Eide Hafþórsdóttir kom með litlar Pavlovur. „Ég elska tapas borð og mér finnst gaman að útbúa fallegt og gott tapas borð. Það er auðvitað hellings handavinna þar að baki en okkur mömmu finnst gaman að dunda svoleiðis borð saman” ❤️

Litlar Pavlovur

6 eggjahvítur
300 g sykur
1 ½ tsk mataredik
Dass vanilludropar

Þeytið eggjahvítur, bætið sykri saman við í skömmtum og þeytið vel á milli.
Bætið ediki og vanilludropum saman við þegar marensinn er orðinn stífur.
Búið til litlar kökur á pappírsklædda ofnplötu.
Bakið við 100°C í 90 mín.

Það fer alveg eftir því í hvaða skapi ég er í hvað ég set ofan á þær. En á þessum er þeyttur kókosbollu rjómi og þær toppaðar með ýmist mars eða snickers bitum á móti litríkum ávavta bita. Á sumar sigta ég smá flórsykur yfir uppá lookið að gera.

💚

Guðfinna Stefánsdóttir mætti með hangikjötsbrauðtertu. „Ég geri bara salatið úr hangikéti,egg og Mæjó og auðvitað Aromat læt inn í hana 6 tímum fyrr en skreyti rétt áður en á að borða hana en fyrst smurt með Mæjó og sýrðum rjóma svo skreytt með vínberjum,steinselju gúrku papriku og eggjum”

DJÖFLAKAKA sem Pálína Margeirsdóttir kom með. „þegar ég vann á pósthúsinu á Fáskrúðsfirði 1998-2004 kom Tóta hans Adda einu sinni og bað mig að ljósrita þessa uppskrift fyrir sig sem hún sagði að væri mjög góð og vildi endilega að ég fengi mér afrit síðan hefur þessi kaka verið bökuð á mínu heimili ef baka á súkkulaðiköku, nú í gær prófaði ég að skipta út 1dl mjólk og setti í staðinn 1 dl af þessu fínu Baileys það skemmdi hana ekki”

 

Djöflakaka
Ekta súkkulaðiterta sem ekki er erfitt að baka

150 g sykur
150 g púðursykur
125 g smjörlíki
2 egg
250 g hveiti
1 tsk matarsóti
1 tsk lyftiduft
1/2 tsk salt
40 g kakó
2 dl mjólk

Krem
500 g flórsykur
60 g kakó
1 egg
80 g smjör
1 tsk vanilludropar
2-4 msk kaffi

Botnar:
Hrærið vel saman sykur og smjör og setjið eggin út í eit í einu.
Blandið saman þurrefnum og setjið saman við ásamt mjólkinni.
Bakið í tveimur formum við 180°C í 19-22 mín.
Kælið botnana og gerið kremið.

Krem:
Bræðið smjörið og blandið öllum saman í hrærivélaskálina, hrærið rólega saman þar til allt er slétt og fínt, smyrjið yfir og á milli.
Gott að bera fram með þeyttum rjóma.

.

Snickerskaka. Birgir Jónsson er úr Breiðdalnum, hann kom með þessa fínu köku „Þessa Snickersköku geri ég annað slagið þegar mig langar í eitthvað sætt og gott. Já, hún er nokkuð sæt en afar góð :)”
Birgir með Snickerskökuna

Snickerskaka

4 egg
4,5 dl sykur
2 tsk vanillusykur
8 msk kakó
3 dl hveiti
200 g smjör, brætt
100 g Pralín súkkulaði með karamellu

Krem:

2 dl salthnetur
200 g rjómasúkkulaði

Smjörið brætt og látið kólna dálítið. Egg og sykur þeytt saman. Því næst er vanillusykri, kakói, bræddu smjöri og hveiti hrært út í. Deiginu er hellt í 26 cm smurt bökunarformið og pralínmolunum þrýst ofan í deigið hér og þar.

Bakið við 175°C í 30 til 40 mínútur, kakan á að vera blaut í miðjunni.

Bræðið rjómasúkkulaðið yfir vatnsbaði og hnetunum bætt út í þegar súkkulaðið hefur bráðnað. Þegar kakan er komin úr ofninum og hefur kólnað dálítið er kreminu hellt yfir kökuna og hún kæld í minnst tvo tíma áður en hún er borin fram með þeyttum rjóma.

Brauðterta með skinku og eggjasalati. Þuríður Lillý Sigurardóttir bóndi á Sléttu kom með skinkubrauðtertu

Brauðterta með skinku- og eggjasalati

Brauðterturúllubrauð
1 pk skinka
1 dós majónes (500 ml)
4 egg
2 tsk aromat
2 tsk sesonal

Hrærið saman majónesi (450 ml) og kryddi
Skerið skinku í bita og bætið útí en skiljið nokkrar sneiðar eftir til að skreyta
Skerið 3 egg í kross og hrærið varlega saman við en skiljið eitt egg eftir til að skreyta
Smyrjið salatinu á brauðið og rúllið því upp
Smyrjið brauðið með majónesi og skreytið, geymið í ískáp. Mér finnst hún alltaf best eftir að hafa staðið í nokkra klukkutíma í ískáp eða yfir nótt.
Bestu kveðjur Þuríður Lillý

Frjálsleg ostakaka. Stöðfirðingurinn Bjarni Stefán Vilhjálmsson kom með frjálslega ostaköku

Frjálsleg ostakaka.

250 g LU kanilkex
100 g smjör
400 g rjómaostur
200 g flórsykur
½ líter rjómi
2 tsk vanillusykur
100 g súkkulaði af eigin vali. Ég nota venjulegt rjómasúkkulaði, en vel hægt að nota hvað sem er t.d. mars, snickers, twix eða hvað sem er.

Setjið súkkulaðið í frysti/kæli ef þið eruð með mars, snickers, twix eða slíkt til að það sé auðveldara að skera það í litla bita. Venjulegt rjómas/suðusúkkulaði á ekki að þurfa að kæla
Myljið LU kexið í matvinnsluvél eða blandara þangað til það er orðið að fínu mjöli
Bræðið smjörið og blandið því saman við kex mjölið
Takið stórt smelluform, eða hverskyns form sem er 24 cm í þvermál, setjið smjörpappír í botnin og lokið forminu. Gott að klippa renning af smjörpappír, jafn stóran og hliðar formsins og leggja upp að hliðunum líka. Það þarf ekki smjörpappír ef ostakakan er gerð í t.d. glerformi.
Þrýstið kexblöndunni í botnin á forminu og setjið í frysti.
Rjómaosturinn er hrærður. Flórsykrinum og vanillusykrinum er bætt við.
Þeytið rjómann og blandið honum svo varlega saman við rjómaostablönduna með sleikju.
Takið súkkulaðið úr frysti, ef þess þarf, og skerið það í litla bita eftir smekk. Blandið þvi svo við ostakökudeigið. Hellið deiginu í formið, sléttið toppinn á kökunni og setjið í frystinn.
Best er að frysta kökuna yfir nótt og taka hana svo úr frysti um 3 tímum áður en hún er borin fram.

Svo má gera það sem hverjum og einum sýnist varðandi skreytingar. Það má setja krem búið til úr suðusúkkulaði og rjóma.
Þá notum við 200 g suðusúkkulaði og 1 dl rjóma.
Bræðið varlega saman súkkulaði og rjómann, hrærið vel saman þangað til súkkulaðisósa hefur myndast. Leyfið súkkulaðisósunni að kólna örlítið og hellið svo yfir kalda kökuna.
Svo má líka skreyta með berjum, meira súkkulaði. Eiginlega bara með hverju sem hugurinn girnist.

Karen Ragnarsdóttir með franska súkkulaðitertu
Frönsk súkkulaðikaka

Frönsk súkkulaðikaka

200 g smjör
200 g súkkulaði
4 egg
200 g sykur
1 dl hveiti

Krem
1 msk smjör
150-200 g súkkulaði
1 msk síróp
rjómasletta
allt sett í pott og brætt

Þeytið eggin og sykurinn vel saman. Bræðið smjörið og súkkulaðið saman við vægan hita í potti. Blandið hveiti saman við eggin og sykurinn. Bætið bráðnu súkkulaðinu og smjörinu að lokum varlega út í deigið. Bakið í vel smurðu tertuformi (ath. ekki lausbotna) við 170°C í 30 mínútur.

Súkkulaðibráð:
Látið allt saman í pott og bræðið saman við vægan hita. Kælið bráðina svolítið og berið hana síðan í kökuna.

Hollráð:
Kakan á að vera blaut í miðjunni. Gott er að bera kökuna fram með rjóma eða ís og jafnvel berjum.

Veislustjórarnir

💚

FÁSKRÚÐSFJÖRÐURFRAMSÓKNPAVLOVURNESKAUPSTAÐURSÚKKULAÐITERTURBAILEYSSTÖÐVARFJÖRÐURBREIÐDALURMJÓIFJÖRÐURHALLORMSSTAÐURESKIFJÖRÐUR

FRAMSÓKNARKAFFI Í FJARÐABYGGÐ

💚

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.