Jarðarberjaostaterta

Jarðarberjaostaterta mascarpone rjómi vanilla jarðarber jarðaber terta ostaterta ostakaka berjaterta góð með kaffinu einföld einfalt kaffimeðælti
Jarðarberjaostaterta

Jarðarberjaostaterta

Mjög fersk og góð terta sem hentar bæði sem eftirréttur og kaffimeðlæti. Þessi terta er dæmi um tertu sem auðveldlega má minnka sykurmagnið verulega. Upphaflega uppskriftin var með bláberjum í stað jarðarberja og heilum bolla af sykri. Verum vakandi, ekki bara varðandi sykurinn heldur líka annað sem við látum inn fyrir okkar varir.

Best finnst mér að útbúa jarðarberjafyllinguna og smakka hana til áður en hún fer yfir botninn. Jarðarber eru missæt – þess vegna er enginn sykur gefinn upp í uppskriftinni að fyllingunni. Gott er að hafa mascarpone við stofuhita, þá fer hann síður í kekki.

OSTATERTURJARÐARBERJARÐARBERJATERTUR

.

Jarðarberjaostaterta

Botn:
120 g smjör, lint
2/3 dl dökkur púðursykur
2 dl hveiti
2 dl möndluflögur
2 msk góð matarolía
1/2 tsk salt.

Hrærið saman smjöri, púðursykri, hveiti, möndluflögum, matarolíu og salti. Setjið í ca 20 cm form og bakið við 175ˆC í 12-14 mín. Látið kólna í forminu.

Fylling:
1 ds mascarpone (við stofuhita)
1 tsk vanilla
1 peli rjómi – þeyttur
2 b. fersk íslensk jarðarber, skorin í fernt

Skraut:
1 b fersk jarðarber
40 g hvítt súkkulaði

Þeytið mascarpone og vanillu í hrærivél. Bætið þeyttum rjóma og blandið vel saman. Setjið jarðarberin allra síðast og hrærið smá stund. Sykrið ef ykkur finnst þurfa.

Setjið botninn á tertudisk og hringinn aftur utan um hann.

Setjið fyllinguna á botninn.

Skraut: Skerið jarðarberin í tvennt og setjið ofan á fyllinguna. Bræðið súkkulaðið í í vatnsbaði og setjið í plastpoka. Stingið gat á pokann með nál og sprautið yfir jarðarberin.

Geymið í ísskáp í amk klst. Losið hringinn frá með hnífi rétt áður en tertan er borin á borð.

.

OSTATERTURJARÐARBERJARÐARBERJATERTUR

JARÐARBERJAOSTATERTA

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.

Fyrri færsla
Næsta færsla