Stýru-grænmetislasagna

Stýru-grænmetislasagna Þórhildur helga kolfreyjustaður Lúkas Björn Akureyri
Þórhildur Helga og Lúkas sonur hennar fá sér grænmetislasagna

Stýrugrænmetislasagna. Helga skólastýra bauð okkur í mat. Hún er af miklu matarfólki komin og væri illa í ætt skotið ef hún hefði ekki gaman af að tala um mat, elda mat og borða mat. Þetta allt hefur hún enda er hún á topp fimm hjá okkur yfir fólk sem er MJÖG GAMAN að gefa að borða. Gaman að segja frá því að lerkisveppirnir sem notaðir eru í réttinn eru „sérvaldir” af þeim hjónum í Kjarnaskógi

ÞÓRHILDUR HELGALASAGNAAKUREYRI

Stýrugrænmetislasagna

Lasagnaplötur

Kotasæla ca 400 gr.
Rifinn ostur
2 sætar kartöflur ( eða 1 stór)
brokkolíhaus
blómkálshaus
ólífuolía
1 pakki sveppir (eða lerkisveppir úr frysinum- skóginum)
1 rauðlaukur- lítill
2 dósir tómatar ( Hunt´s diced roasted Garlic)
1 dós tómatpure (lítil)
1 hvítlaukur
3 tsk salt
2 msk baselikum
2 msk oregano
2 tsk þurrkuð steinselja.

Flysjið sætar kartöflur ( með ostaskera) og sneiðið, sneiðið einnig blómkál og brokkoli. Sjóðið dátlitla stund í saltvatni og hellið vatninu af og saxið grænmetið meira niður.
Saxið rauðlauk smátt og mýkið á pönnu með ólífuolíu, sneiddir sveppir settir út í, saxið hvítlaukurinn mjög smátt og bætið við og síðan léttsoðna grænmetið. Látið malla og maukast og tómötum, tómatpure og öllu kryddinu bætt í. Smakkið til- má alveg krydda meira eftir smekk hvers og eins. Ef soppan er of þykk má bæta vatni við og krydda þá meira.
Raðið í eldfast mót- soppan-lasagnaplötur-soppan-kotasæla-lasagnaplötur og soppan.
Setjið í 200 gráðu heitan ofn í 20 mínútur- þá er rifinn ostur settur yfir og látið malla í 20 mínútur til viðbótar.
Gott með grænu salati með tómötum, steinselju og fetaosti.

Lúkas Björn
Unglingurinn Lúkas lagði sig fram við að plokka lerkisveppina úr réttinum
Grænmetislasagna
Grænmetislasagna
Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.

Fyrri færsla
Næsta færsla