Ofnbakaðir tómatar

Ofnbakaðir tómatar. Það er upplagt að útbúa þennan rétt með góðum fyrirvara, þess vegna daginn áður því hann verður betri daginn eftir. Litlir tómatar kallast heilsutómatar, á pakkningunni stendur „þrefalt meira magn af andoxunarefninu lýkópen. Lýkópen er í flokki karótínóíða sem gefur tómötunum rauða litinn, er öflugt andoxunarefni og er talið veita vörn gegn hjartasjúkdómum og krabbameini í blöðruhálskirtli og meltingarvegi“.

Ofnbakaðir tómatar

15-20 heilsutómatar skornir í hálft

1 kanilstöng

1/2 vanillustöng flökuð á langveginn eða 1/2 tsk vanilluduft

1/2 – 1 tsk allrahanda

5-6 stk kardimommur eða 1tsk kardimommuduft

3-4 negulnaglar

2 hvítlauskgeirar, pressaðir

2 msk ferskur sítrónusafi

fínt rifinn börkur af einni sítrónu

10 dropar fiskisósa

vatn.

Setjið allt í fat, hellið vatnið í fatið þannig að það hylji 2/3 á tómötunum. Setjið í 200° heitan ofn eldið þar í 1 1/2 klst. Ef vatnið er að klárast bætið þá við. Takið úr ofninum og látið bíða í amk 2 klst áður en þeir eru borðaðir. Mjög gott eftir 2-3 daga í ísskáp.