Bananalummur. Stundum rekst ég á uppskriftir sem hljóma svo ótrúlega að það er ekki annað hægt en að prófa sjálfur – eins og þessi af bananalummum. Það eru aðeins tvö hráefni: bananar og egg. Satt best að segja minnir þetta of mikið á eggjaköku með bananabragði. Ég geri ekki ráð fyrir að steikja þessar lummur aftur, en það var vel þess virði að prófa.
Bananalummur
1 stór þroskaður banani
2 egg
Merjið bananann í skál, bætið við eggjunum og hrærið vel saman. Steikið á pönnu í olíu
Frystið vatn í flöskum eða vatnskönnum til að fá klaka. Hver kannast ekki við að það er ekki til klaki í frystinum þegar á þarf að halda? Allra besta ráðið til að setja vatn í flöskur eða vatnskönnur og frysta. Þetta á einnig við þegar farið er í ferðalög. Þá er kjörið að frysta vatn á flöskum og rétt fyrir brottför er síðan fyllt á með vatni, bústi, ávaxtasafa eða öðru. Húsráð dagsins og allra daga :)
Ömurleg framkoma eigenda Hressendaskálans
Hressingarskálinn er eflaust lang-fínasti businessstaðurinn í Reykjavík í matsölu og kaffisölu. Þar er fullt frá morgni til kvölds og eigendur svo stórir með sig, að þeir köstuðu a.m.k. tólf fastagestum út, sem drukkið hafa þar kaffi í áratug, sumir lengur, og gerðu allt að kr. 80-100 þúsund kr. viðskipti á ári eður meira. Ágreiningsefni var, að fyrirtækið mátti ekki vera að því að taka frá borð handa þessum gestum sínum. Það er alltaf munur að kunna sig í veitingamennskunni - sérstaklega þegar efnin eru nógu mikil.
Albert eldar er uppskrifta- og upplýsingavefur Alberts Eiríkssonar. Hann fór fyrst í loftið 15. febrúar 2012 og hefur síðan þá notið mikilla vinsælda.
Albert eldar is run by renowned icelandic chef and culinary enthusiast Albert Eiriksson. The website was launched in 2012 and has since then been very popular in Iceland.
