Matarmikil fiskisúpa. Mikið er gott að fá sér bragðgóða, matarmikla fiskisúpu á köldu vetrarkvöldi. Stundum heyrist að súpa sé nú ekki matur… alltaf frekar einkennilegt því góð súpa er virkilega góður matur. Það er kjörið að útbúa súpuna með smá fyrirvara og setja fiskinn svo rétt áður en hún er borin fram.
Matarmikil fiskisúpa
1 laukur, saxaður
3 hvítlauksrif, söxuð
4-5 msk góð olía
3 dl vatn (eða rúmlega það)
3-4 gulrætur, sneiddar
1 rauð paprika, skorin í meðalstóra bita
1 gul paprika, skorin í meðalstóra bita
3 msk tómatpúreé
1 ds niðursoðnir tómatar
1 teningur fiskikraftur
1/2 teningur kjötkraftur
1 tsk tandoori masala
1/2 tsk karrí
svartur pipar
6 sólþurrkaðir tómatar, sneiddir
4 msk mango chutney
1 dl sæt chilisósa
5 – 600 g lax, skorinn í bita
300 g rækjur
1 dl matreiðslurjómi
4 ds kókosmjólk
steinselja
Léttsteikið lauk og hvítlauk í olíunni. Bætið við vatni, gulrótum, papriku, tómatpúreé, tómötum, vatni, krafti, tandoori masala, karríi, pipar og sólþurrkuðum tómötum, mangó chutney, chilisósu og loks matreiðslurjómanum og kókosmjólkinni. Látið sjóða niður í u.þ.b. fimmtán mín. Slökkvið undir pottinum. Skömmu áður en súpan er borin á borð er vermt undir pottinum, laxinum bætt út í og síðast rækjunum. Saxið steinselju og stráið yfir.
Sæll vertu og takk fyrir að deila þessari girnilegu uppskrift með okkur hinum. Ég er samt aðeins óviss um það fyrir hve marga þú hugsar hverja uppskrift? Ég hafði hugsað mér að hafa þessa súpu handa 9 fullorðnum og einu barni. Er nóg að tvöfalda þessa uppskrift eða á ég að þrefalda hana? Með bestu kveðju og þökk Bergþóra
Ef þú ætlar að hafa súpuna sem forrétt er nóg fyrir þig að tvöfalda hana. Ef hún á að vera aðalréttur þá er tvöföld uppskrift varla nóg. Gangi þér vel í eldamennskunni
Ég fékk svona súpu á laugardaginn og hún var algjört æði, hlakka til að prófa sjálf:)
Spurning með kokosmjolkina. Eru 4 dosir i eina uppskrift? Hvenær er henni bætt úti ? Kv. Guðrún.
Já fjórar dósir í eina uppskrift. Kókosmjólkin fer út í á sama tíma og matreiðslurjóminn (er búinn að breyta því í lýsingunni)
Hvað er matarmikla fiskisúpan fyrir marga.
Alveg 8-10
Ef Tandoori masala er ekki ti hvað nota ég þá í súpuna góðu
Tandoori masala er kryddblanda. Uppistaðan er engifer, hvítlaukur, múskat, kanill, negull, cumin, kóriander, pipar, litarefni og eitthvað fleira. Þannig að ef þú átt ekki Tandori masala geturðu notað þessi krydd
Sæll
En ef maður á Tandoori, er þá hægt að bæta einhverju við til að ná fram þessari blöndu ?
Þessi súpa varð fyrir valinu á sjálfan konudaginn. Ég krossa fingur að ég klúðri þessu ekki.
Þú getur ekki klúðrað þessari súpu 🙂
Er ekki alveg í lagi að bæta við fisk, s.s nota fleirri fisk tegundir eins og þorsk, bláskel og bara það sem hugurinn girnist 🙂
Comments are closed.