Dijonkjúklingur með pekan

Dijonkjúklingur með pekan Dijon kjúklingur kjúlli í ofni ofnréttur góður

Dijonkjúklingur með pecan. Pecanhnetur eru meinhollar eins og aðrar hentur.  Dijon sinnep er vel sterkt en samt er þessi réttur bæði mildur og góður.

Dijonkjúklingur með pecan

10 kjúklingalæri (úrbeinuð eða ekki)

1 1/3 dl dijon sinnep

3 vænar sætar kartöflur

2 sellerýstönglar

1 blómkálshöfuð stórt

2 laukar

1 fennel

6 hvítlauksgeirar

ca 6 cm bútur engiferrót

salt og grófmalaður svartur pipar

1 dl ólífuolía

2 pokar pekanhnetur.

Penslið eða makið sinnepinu á kjúklingalærin, setjið þau í eldfast form. Saxið gróft niður sætar kartöflur, blómkál og lauk og setjið í skál. Saxið fínt fennel, hvítlauk og engifer, kryddið með salti og pipar – blandið öllu grænmetinu saman ásamt olíunni. Setjið yfir kjúklinginn og bakið í rúma klst með álpappír yfir. Malið eða saxið gróft pekanhnetur og setjið yfir réttinn – bakið áfram í um 15 mín.

Kjuklingur med pecanhnetum

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.

Fyrri færsla
Næsta færsla