Súkkulaðiostakaka
Samkvæmt leiðbeiningum í bókinni (Kökubók Hagkaups) þarf að gefa þarf sér góðan tíma í undirbúning og að kakan henti mjög vel sem eftirréttur. Það er alveg spurning hvort ekki megi sleppa matarlíminu, rjómaosturinn heldur fyllingunni vel saman.
— OSTAKÖKUR — SÚKKULAÐITERTUR —
.
Súkkulaðiostakaka
400 g hafrakex
2 msk sykur
100 g smjör
100 g suðusúkkulaði
Fylling
250 g rjómaostur
2 msk sykur
2 egg, aðskilin
100 g suðusúkkulaði
1 1/2 dl rjómi
4 stk matarlím
Myljið kexið vel niður, bræðið smjörið og blandið saman við ásamt sykrinum. Bræðið súkkulaðið og blandið saman við, þrýstið vel í botninn og upp á kantinn. Vinnið rjómaostinn mjúkan, þeytið sykur og eggjarauður saman og blandið saman við ostinn. Þeytið hvíturnar og hrærið saman við brætt súkkulaðið, blandið súkkulaðinu saman við ostahræruna, leysið upp matarlímið og blandið saman við. Að síðustu er rjómanum bætt út í. Kælið 3 klst. minnst.
Uppskriftin er úr Kökubók Hagkaups
— OSTAKÖKUR — SÚKKULAÐITERTUR —
.
