VILLUTERTA
Nöfnum nokkurra mikilmenna hefur verið haldið á lofti, löngu eftir dauða þeirra, með því að nefna uppskriftir eftir þeim. Má þar nefna Sörur, svínakjötsréttur Maós formanns, Pavlovur, Melba ferskjur og Margherita pitsuna. Ef til vill höfum við einhver dæmi um þetta á Íslandi en það dæmi sem ég þekki best er að mamma nefndi ægigóða tertu eftir Vilborgu systur minni: Villuterta. Mjög góð terta sem öllum líkar vel. Til að forðast misskilning þá er Vilborg sprelllifandi.
🍏
— VILBORG EIRÍKSD — PAVLOVUR — TERTUR — SÖRUR — FERSKJUR —
🍏
Villuterta
100 g sykur (2 dl)
2 egg
100 g kókosmjöl (3 dl)
120 g heilhveiti
1 tsk lyftitduft
1/2 tsk salt
Fylling:
3 græn epli, söxuð gróft
2 bananar, skornir í sneiðar
100 g súkkulaði, saxað gróft
200 g brytjaðar döðlur
60 g púðursykur
2 msk kókosmjöl
smá salt
Þeytið saman egg og sykur, bætið þurrefnunum saman við. Setjið deigið í form með lausum botni. Blandið öllum hráefnunum í fyllunguna saman og setjið yfir deigið, bakið í um 35 mín við 170°
🍏
— VILBORG EIRÍKSD — PAVLOVUR — TERTUR — SÖRUR —
🍏
