Margherita-pitsa – sagan á bak við frægustu pitsu Ítalíu
Í júní árið 1889 er talið að ítalska drottningin Margherita af Savoy hafi bragðað pitsu í fyrsta sinn. Fram að þeim tíma þótti pitsa fremur vera matur alþýðunnar en réttur sem hæfði konungsfólki. Tvær sögur eru þó sagðar af tilurð hinnar frægu Margherita-pitsu sem í dag er ein vinsælasta pitsa heims.
🇮🇹
— PITSUR — ÍTALÍA — PITSUSÓSA — PITSUDEIG —
🇮🇹
Konungshjónin Umberto I (1844-1900) og Margherita af Savoy (1851-1926) voru á ferð um Ítalíu og tóku eftir að fólk víða snæddi þunnt eldbakað brauð með áleggi. Í Napólí var Raffaele Esposito var beðinn að baka pitsu fyrir drottninguna. Henni til heiðurs hafði hann pitsuna í ítölsku fánalitunum, með basil, mozzarella og tómötum.
Margaritu drottningu líkaði pitsan vel og Raffaele ákvað að láta hana heita Margherita pitsu, þá sem við þekkjum enn þann dag í dag.
Hin sagan segir að eftir frí konungshjónanna í Napólí hafi þau kallað í höll sína hinn vinsæla pitsubakara Raffaele Esposito til að smakka á sérkennum hans. Raffaele og kona hans, Maria Giovanna Brandi, bökuðu þrjár mismunandi pitsur fyrir Margheritu: pitsu með svínafitu, osti og basiliku, pitsu með hvítlauk, olíu og tómötum og þriðju með mozzarella, basiliku og tómötum (ítalsku fánalitunum). Drottningunni líkaði svo vel við síðustu pitsuna að hún sendi Raffaele bréf til að þakka honum. Bréfið er dagsett í júní 1889, og undirritað af hirðstjóranum Galli Camillo.
Eftir þessa heimsókn jukust vinsældir pitsu enn frekar á Ítalíu. Raffaele Esposito hefur síðan verið nefndur faðir nútíma pitsunnar og sagan um drottninguna hefur lifað áfram sem einn þekktasti kafli ítalskrar matarsögu.
Margherita-pitsa er í dag tákn ítalskrar matarmenningar. Einföld samsetning tómata, mozzarellaosts og basiliku endurspeglar liti ítalska fánans og sýnir hvernig einfaldleikinn getur skapað fullkomið bragð. Hvort sem sagan um drottninguna er sönn eða ekki hefur Margherita-pitsan skipað sér sess meðal frægustu rétta heims.
Veitingastaður Raffaeles í Napolí hét Pizzeria di Pietro e basta così, enn þann dag í dag er staðurinn í eigu fjölskyldunnar og eru þarna bakaðar pitsur þó staðurinn hafi fengið nýtt nafn: Pizzeria Brandi.
🇮🇹
Fleira áhugavert:
— Royalistar á Ísafirði – Ladies who Lunch – Draumaterta dásamlega góð — Hvítlaukskartöflur Helgu – Heill kjúklingur í ofni, mjöööög góður – Vínartertan góða og fræga – Sælgætismolar — Salat með eggjum og beikoni — Kaffiveisla hjá Soffíu —