Baby Ruth tertan
Fyrir einum fimmtán árum varð ég samferða tveirmur stúlkum í bíl frá Egilsstöðum til Akureyrar. Þær voru að kynna Landbúnaðarháskólann og ég Listaháskólann fyrir framhaldsskólanemendum. Afar vel fór á með okkur á þessari fallegu leið. Önnur kvennanna er Guðrún Bjarnadóttir sem er með Hespuhúsið við Selfoss.
— GUÐRÚN BJARNADÓTTIR — SALTHNETUR — HESPUHÚSIÐ — SELFOSS — FERÐAST UM ÍSLAND – EGILSSTAÐIR — AKUREYRI — BABY RUTH —
.
BABY RUTH
3 eggjahvítur
2 dl sykur
1 tsk vanilludropar
2 tsk lyftiduft
2 1/2 dl salthnetur
25 Ritzkex
Þeytið eggjahvítur og sykur. Myljið saman salthentur og kex með því að setja í plastpoka og berja með glasi inni í pokann… Blandið öllu varlega saman.
Setjið í smurt hringlaga bökunarform. Bakið í 20 mínútur á 175°C
KREM
3 eggjarauður
60 g flórsykur (1 dl)
50 g smjör
100 g suðusúkkulaði
Þeytið eggjarauður og flórsykur, bræðið smjörið og súkkulaðið í vatnsbaði (eða örbylgjuofni) og hrærið saman. Kakan þarf helst að standa í kæli í nokkra tíma áður en hún er borin fram. Kakan geymist vel í kæli í nokkra daga og verður jafnvel betri.
Berist fram með rjóma
.
— GUÐRÚN BJARNADÓTTIR — SALTHNETUR — HESPUHÚSIÐ — SELFOSS — FERÐAST UM ÍSLAND – EGILSSTAÐIR — AKUREYRI —
.
