Kínóasalat með valhnetum – Hreinasta dásemd

Kínóasalat með valhnetum kínóa salat valhnetur kinoa salad
Kínóasalat með valhnetum – Hreinasta dásemd

Kínóasalat með valhnetum

Mér finnst ágætt að láta svona salöt standa í svo sem klukkutíma áður en þau eru borðuð. Kínóa er hreinasta dásemd eins og áður hefur komið fram. Það er auðvelt að vinna með það, fer vel í maga og svo er það svo meinhollt að það hálfa væri alveg nóg.

KÍNÓAVALHNETURSALÖT

.

Kínóasalat með valhnetum

1 b kínóa

2 b vatn

safi úr 1-2 sítrónum

4 msk ólífuolía

1/3 tsk gott hunang

1 msk minta

fersk steinselja, söxuð

blaðlaukur, saxaður (ca 1/2 dl af söxuðum)

1/2 gúrka, söxuð gróft

2/3 b valhnetur saxaðar

salt og pipar.

Setjið kínóa og vatn í pott, látið suðuna koma upp og sjóðið rólega í um tíu mín. Slökkvið undir og látið standa áfram. Sigtið ef vatnið er ekki gufað upp. Kælið

Hristið saman sítrónusafa, olíu og hunang. Blandið saman kínóa, mintu, steinselju, blaðlauk, gúrku og valhnetum. Kryddið með salti og pipar. Hellið dressingunni yfir og hrærið í með gaffli, þannig losnar kínóað best í sundur. Látið standa í klukkutíma eða tvo áður en það er borið á borð (ekki í ísskáp).

KÍNÓAVALHNETURSALÖT

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.