Franskt gulrótasalat – bragðgott, hollt og fallegt

Gulrótasalat – Salade de carottes râpées

Enn eru hér áhrif frá ferð okkar til Gravelines í Frakklandi. Í einni af mörgum veislum var hlaðborð, þar var þetta guðdómlega gulrótasalat. Á meðan prúðbúnir gestir hlustuðu á allt of langar ræður laumaðist ég að borðinu tók myndir og smakkaði laumulega.

Borðum meira af hráu grænmeti – þetta salat er bragðgott og fallegt. Þið eigið eftir að útbúa þetta aftur og aftur. Ekki bíða, byrjið núna.

.

— SALÖT — FRAKKLAND — FÁSKRÚÐSFJÖRÐUR – GRAVELINES —

.

Gulrótasalat – Salade de carottes râpées

1/2 kg gulrætur, rifnar
1 msk sítrónusafi
1/2 tsk Dijon sinnep
3 msk góð ólífuolía
1/4 tsk salt
pipar
fersk steinselja.

Rífið gulræturnar og setjið í skál. Blandið saman sítrónusafa, sinnepi, oliu, salti og pipar. Hellið yfir gulræturnar og látið standa í um 30 mín við stofuhita áður en þetta er borðað.

.

— SALÖT — FRAKKLAND — FÁSKRÚÐSFJÖRÐUR – GRAVELINES —

— FRANSKT GULRÓTASALAT —

.