Dórukex
Ég hef margoft áður skrifað hér um matarást mína á Dóru í eldhúsi Listaháskólans. Af henni hef ég lært ótal margt í gegnum tíðina – ekki bara uppskriftir heldur líka hugsunina á bak við góðan mat. Dóra hefur lengi sérhæft sig í hollum, bragðgóðum og nærandi rétti, mat sem ætti að vera sjálfsagður hluti af daglegu mataræði fólks á öllum aldri.
Heilsa okkar er órjúfanlega tengd því sem við leggjum á diskinn. Það er hollt að hafa í huga að margir svonefndir menningarsjúkdómar eiga rætur sínar í mataræði okkar og lífsstíl. Lausnin er ekki flókin – hún liggur í einföldum, heiðarlegum hráefnum, minni úrvinnslu og meiri meðvitund.
Við þurfum að hreyfa okkur meira, borða betur og njóta þess sem við borðum. Þetta kex er gott dæmi um slíkan mat: nærandi, saðsamt, fullt af fræjum og bragði – og um leið svo einfalt að það á auðvelt með að verða fastur liður í eldhúsinu. Hollusta þarf ekki að vera leiðinleg; hún getur verið bæði falleg og ljúffeng.
.
— HRÖKKKEX – DÓRA EMILS — LISTAHÁSKÓLINN —
.
Dórukex
8 dl fræ (hörfræ, sesam, sólblómafræ, graskers….)
2-3 egg
1 tsk laukduft
1 1/2 tsk maldonsalt
1 msk möndlumjöl
1 msk oreganó
2 dl rifinn (parmasen)ostur
Setjið allt í skál og blandið vel saman (myljið saltið milli fingranna).
Setjið smjörpappír í ofnskúffu, deigið yfir og smjörpappír yfir það, fletjið út með kökukefli, ca sentimeters þykkt.
Bakið við 160°C í 20 mín lækkið þá hitann í 110°C, snúið kexinu við með því að hvolfa því á aðra ofnskúffu, eða plötu, bakið áfram í 15 mín.
.
— HRÖKKKEX – DÓRA EMILS — LISTAHÁSKÓLINN —
.