Sítrusapríkósumarmelaði

Marmelaði - Sítrusapríkósumarmelaði sítrónur ingveldur g ólafsdóttir ingveldar g listaháskólinn mötuneyti
Sítrusapríkósumarmelaði

Sítrusapríkósumarmelaði

Útvarpskonunni ljúfu, Ingveldi G. Ólafsdóttur er margt til lista lagt og er vel þekkt fyrir að galdra fram veislumat úr svo að segja engu. Hún er afar nýtin á matarafganga eitthvað sem margir gætu tekið sér til fyrirmyndar. Frétti af bragðgóðu marmelaði hjá Ingveldi og hún tók ljúflega í beiðni mína um uppskriftina

„Appelsínumarmelaðið er eitthvað sem ég þróaði upp úr uppskrift sem ég fékk i eldhúsi útvarpsins. Ég minnkað t.a m. sykurskammtinn þar sem ég er ekki hrifin af dísætum sultum og marmelöðum. Og bætti grape-inu við og jók aprikósuhlutann. Mér finnst sykurinn undantekningarlaust taka bragðið fra ávöxtunum/berjunum ef hann er i jöfnum hlutföllum við ávextina/berjunum. Verður og auk þess ferskara. En það er engin konungleg saga né hrakfallabalkssaga a bak við uppskriftina, bara eitthvað sem undantekningarlaust öllum finnst gott” segir útvarpskonan geðþekka.

— INGVELDUR GMARMELAÐIAPPELSÍNURAPRÍKÓSUR

.

Marmelaði Ingveldar G. appelsínur apríkósur greip grape
Ingveldur G. Ólafsdóttir

Sítrusapríkósumarmelaði

3 appelsínur
1 sítróna
1 greip
einn poki af þurrkuðum apríkósum eða um 200 g
500 g sykur

Skerið endana af ávöxtunum og hendið, skerið restina af þeim í ekkert of litla bita. Setjið í skál og hellið köldu vatni yfir. Látið liggja í bleyti yfir nótt eða c.a. átta tíma. Hakkið áxextirna og setjið í pott ásamt sykri. Sjóðið allt heila gillimojið í ca 20 mín við meðalhita. Áxextirnir eru misstórir og missúrir þannig að ég smakka maukið áður en ég helli því úr pottinum og bæti við smá sykri ef þurfa þykir.
Þegar öllu þessu er lokið er ávaxtamaukið fært yfir í krukkur. Hreinar og þurrar og allt það.

.

— INGVELDUR GMARMELAÐIAPPELSÍNURAPRÍKÓSUR

— SÍTRUSAPRÍKÓSUMARMELAÐI —

Auglýsing

Meira úr sama flokki

Besti jólabjórinn 2013

jolabjor

Besti jólabjórinn 2013.  Fjölmenn dómnefnd hefur smakkað á jólabjórnum og...

Ítölsk eplakaka – einstaklega góð

Ítölsk eplakaka. Stundum fæ ég sendar uppáhaldsuppskriftir fólks og er afar þakklátur fyrir. Hins vegar gleymi ég stundum að skrá hjá mér hver sendi, það á við um þessa ítölsku eplaköku. Einstaklega ljúf og bragðgóð terta sem á alltaf við. Takk fyrir hver sem sendi.