Sírópslengjur
Þegar við bekkjarsystkinin úr grunnskóla komum saman á dögunum þá kom Jóhanna með sírópslengur sem runnu út (ofan í okkur) eins og heitar lummur. Mjög góðar með kaffibolla. Það er einhver óútskýrð sæla sem fylgir gömlum kaffimeðlætisuppskriftum, kannski er það sírópið í grænu krukkunum. Þegar ég var lítill átti ég það til að borða aðeins of mikið af því. Við eigum til að vanmeta gömlu góðu uppskriftirnar eða gleyma þeim. Stundum hef ég minnkað sykurmagn verulega í gömlum uppskriftum.
— VÍNARBRAUÐ — ÍSLENSKT — FÁSKRÚÐSFJÖRÐUR —
.
Sírópslengjur
400 g hveiti
200 g sykur
200 g smjörlíki
1 egg
1 tsk. natron (matarsódi)
1 tsk. kanill
1 msk. síróp
1/2 tsk salt
Blandið öllu saman og hnoðið í hrærivél, rúllið í lengjur, setjið á plötu og þrýstið ofan á. Bakað við 200°C. í ca 10 mín
Skorið lengjurnar í bita á meðan þær eru heitar.
—
— VÍNARBRAUÐ — ÍSLENSKT — FÁSKRÚÐSFJÖRÐUR —
— SÍRÓPSLENGJUR SEM RENNA ÚT EINS OG HEITAR LUMMUR —
—
