Heitur ofnréttur Önnu Siggu – sá allra vinsælasti

Heitur ofnréttur Önnu Siggu – sá allra vinsælasti.

Anna Sigga Helgadóttir tók ljúflega í að elda fyrir bloggið. Leiðir okkar lágu saman þegar hún eldaði fyrir mig á Gestgjafaárum mínum. Á meðan rétturinn var í ofninum náði hún í blaðið sem kom út 2003 og það vakti kátínu okkar að hún var með sömu svuntu núna og þá. „Mamma mín eldaði oft þennan ofnrétt á sunnudgagskvöldum hérna í den og öllum þótti hann alveg ótrúlega góður, í hvert skipti.“ segir söngkonan Anna Sigga.

— #2017Gestabloggari12/52  — HEITIR RÉTTIR — ANNA SIGGA — KLÚBBARÉTTIR — KAFFIMEÐLÆTI — KVÖLDKAFFI —

.

Heitur ofnréttur Önnu Siggu

½ unghæna eða 1 kjúklingur

nokkrar brauðsneiðar (skorpulausar)

2 dósir Cream of chicken soup (Campell‘s)

1-2 dósir aspas

1 dós sveppir

1/1 dós ananas (kurl)

1 og ½ poki rifinn ostur

Undirbúningur:

Sjóðið unghænuna/kjúklinginn þar til kjötið losnar af beinunum (ca. 1 og ½ – 2 tíma á kíló)
Smyrjið eldfast mót með olíu og raðið skorpulausum brauðsneiðunum í botninn.
Blandið síðan saman kjúklingasúpunni, aspasinum (með safa eftir smekk), sveppunum og ananasinum í skál og hrærið saman.
Hellið síðan úr skálinni yfir brauðið í eldfasta mótinu og dreyfið vel til allra hliða.
Stráið síðan ostinum yfir.

Hitið í ofni við 175 °c í 20 – 30 mínútur eða þar til osturinn er orðinn gullinn og farinn að búbbla.
Gott er að hafa kjötið ekki of kalt þegar það fer í blönduna og inn í ofn.

Berið fram t.d. með salati eða tómötum.

Verði ykkur að góðu.

.

— #2017Gestabloggari12/52  — HEITIR RÉTTIR — ANNA SIGGA — KLÚBBARÉTTIR — KAFFIMEÐLÆTI — KVÖLDKAFFI —

— HEITUR OFNRÉTTUR ÖNNU SIGGU —

.