Franski spítalinn á Fáskrúðsfirði
Frakkar reistu á Íslandi þrjá spítala, þann fyrsta 1902 í Reykjavík með 20 rúmum, annan á Fáskrúðsfirði með 17 rúmum og þann þriðja 1906 í Vestmannaeyjum með 9 rúmum. Arkitektinn M. Bald teiknaði spítalana í Reykjavík og á Fáskrúðsfirði sem eru nánast eins.
Franski spítalinn á Fáskrúðsfirði var byggður 1903, tekinn í notkun ári síðar og opinn allt árið til 1914 en eftir það yfir vertíð Frakka hér, til 1928. Húsið var á steinsteyptum grunni. Í kjallara var: eldhús, búr, þvottahús, salerni, diesel rafstöð, geymsluherbergi ásamt forstofu. Þar voru 6 sjúkrastofur þar af 3 einbýlisstofur, alls rúm fyrir 17 sjúklinga. Skurðstofa, einangrunarstofa fyrir berkla- og taugaveikisjúklinga, lyfjaherbergi, bókastofa og nokkur herbergi fyrir hjúkrunarfólk. Líkhús var norðan við spítalann.
— FÁSKRÚÐSFJÖRÐUR — FRANSKIR SJÓMENN — FRAKKLAND – FRÖNSK ÖRNEFNI Á ÍSLANDI —
.
Fram til 1. janúar 1907 hafði spítalinn tekið á móti 91 sjúklingi, frönskum og „útlendum” og legudagar orðnir 2953. Yfirlæknirinn Georg Georgsson var afbragðs skurðlæknir, stjórnaði spítalanum og var um leið franskur konsúll og fulltrúi Franska spítalafélagsins.
Eftir að spítalastarfsemi hætti árið 1928 var Georgi veitt umboð til að selja húsið íslenska ríkinu og stóð hugur hans til þess að breyta því í berklasjúkrahús. Kom þar tvennt til, verulega var farið að draga úr veiðum Frakka hér við land og berklar voru landlægir. Georg keypti spítalann og Læknishúsið með það í huga að endurselja ríkinu. Hinsvegar dró ríkið lappirnar og hætti að lokum við. Georg missti allar eigur sínar á uppboði og flutti til Sandgerðis þar sem hann starfaði sem læknir.
Árið 1939 var spítalinn tekinn niður spýtu fyrir spýtu og fluttur á bátum yfir fjörðinn og endurbyggður í Hafnarnesi á kostnað Landsbankans. Í Hafnarnesi var þá ört stækkandi útræðisþorp og mikil húsnæðisekkla. Spítalanum var skipt upp í sex hluta, búið var fimm og skólahúsnæði var í sjötta partinum. Þó kom ekki til kennslu þar strax því breski herinn tók skólapartinn fyrir sig í heimsstyrjöldinni síðari.
Búið var í Franska spítalanum í Hafnarnesi fram yfir 1970, eftir það stóð hann yfirgefinn allt þar til Minjavernd, með aðstoð Fjarðabyggðar, tók að sér endurbyggingu hússins. Í húsinu er í dag glæsilegt hótel, veitingastaður og safn um franska sjómenn.
— FÁSKRÚÐSFJÖRÐUR — FRANSKIR SJÓMENN — FRAKKLAND – FRÖNSK ÖRNEFNI Á ÍSLANDI —
Les Français ont construit trois hôpitaux en Islande, le premier à Reykjavík en 1902 avec 20 lits. Le deuxième à Fáskrúðsfjörður en 1904 avec 17 lits, et le troisième aux îles Vestmann en 1906 avec 9 lits. L’architecte des deux premiers fut M. Bald. Ces deux hôpitaux sont pratiquement identiques.
L’hôpital français de Fáskrúðsfjörður fut construit en 1903 et mis en service dès l’année suivante, il était ouvert toute l’année jusqu’en 1914 quand il a été fermé. Le bâtiment fut construit sur des fondations de ciment. Au sous-sol se trouvaient la cuisine, la réserve, la lingerie, les toilettes, une turbine électrique. Il y avait 6 salles pour les malades dont 3 chambres individuelles. Au total il y avait 17 lits dans l’hôpital, une salle d’opération, une salle d’isolement pour les malades atteints de la tuberculose ou de la typhoïde, une pharmacie, une bibliothèque, et plusieurs chambres pour le personnel. La morgue se trouvait au nord de l’hôpital. De l’ouverture jusqu’au 1er janvier 1907 l’hôpital avait reçu 93 malades, des Français et des étrangers et les jours d’hospitalisation étaient au nombre de 2953.
Le médecin en chef Georg Georgsson, un excellent chirurgien, était en même temps le consul français et le représentant de l’association française des oeuvres de mer.
—
— FRANSKI SPÍTALINN Á FÁSKRÚÐSFIRÐI —
— FÁSKRÚÐSFJÖRÐUR — FRANSKIR SJÓMENN — FRAKKLAND – FRÖNSK ÖRNEFNI Á ÍSLANDI —
