Konfektrúlla. Það er ástæðulaust að tengja (heimagert) konfekt eingöngu við jólin. Hollt og gott konfekt á alltaf við.
.
Konfektrúlla
300 g döðlur
2 1/2 dl kasjúhnetur
2 1/2 dl kókosmöl
1/2 dl appelsínusafi
3-4 tsk kakóduft
1 tsk vanilla
smá cayenne
smá salt
smá rifinn appelsínubörkur
gróft kókosmjöl
Setjið allt nema kókosmjöl í matvinnsluvél. Setjið örk af bökunarpappír á borðið, stráið kókosmjöli yfir í ca 10 cm breiða lengju, mótið lengju úr „deiginu“ og veltið upp úr kókosmjölinu. Geymið í ísskáp í nokkrar klst.
Til tilbreytingar má setja súkkulaði, negul, lime, mintu.
.
