Madeira með Play

madeira play air flugfélagið play air portúgal
Madeira

Madeira með Play

Madeira er portúgölsk eyja staðsett í Atlantshafi, suðvestur af Portúgal og aðeins um 600 km frá strönd Afríku. Eyjan er hluti af Madeira-eyjaklasanum sem inniheldur Madeira, Porto Santo og óbyggðu eyjarnar Desertas og Selvagens. Á Madeira er einstakt landslag, milt loftslag og ótrúlega náttúrufegurð. Gaman að segja frá því að Flugfélagið Play flýgur beint til Madeira.

PORTÚGALMADEIRAPLAY

.

„Eitt það flottasta við eyjuna er Monte Palace Tropical Garden. Þá er farið með kláf beint úr miðbænum upp í fjallhlíð og í þennan stórfenglega garð.”
Madeira
Miðborgin iðar af lífi

Á Madeira búa um 250.000 manns. Höfuðborgin Funchal er langfjölmennasta borgin, með um 100þús manns, og miðstöð stjórnsýslu, menningar og verslunar. Stærstur hluti íbúa eyjunnar býr á suðurströndinni þar sem veður er mildara.

Madeira er eldfjallaeyja, þar er hrikalegt fjallalandslag með djúpum gljúfrum og grænum dölum

Náttúra og landslag

Madeira er eldfjallaeyja, þar er hrikalegt fjallalandslag með djúpum gljúfrum og grænum dölum. Meðal helstu náttúrufyrirbrigða er Laurisilva regnskógurinn, sem er skráður á heimsminjaskrá UNESCO. Það er gróðurheimur sem þrífst í hitabeltisraka. Eyjan er líka þekkt fyrir levadas, sem eru fornar vatnsrásir byggðar til að leiða vatn frá fjöllunum niður í byggðirnar. Þessar rásir mynda víðfeðmt göngustígakerfi sem er afar vinsælt hjá útivistarfólki.

Menning og hátíðir

Jól og áramótin eru stórar hátíðir á eyjunni, sérstaklega áramótin, þar sem Funchal er þekkt fyrir flugeldasýningar sem draga að ferðamenn víða að. Á hverju ári fer fram blómaskreytingahátíðin (Festa da Flor) sem fagnar komu vorsins með skrúðgöngum, listaverkum úr blómum og líflegum viðburðum.

Madeira

Madeira-vín

Madeira er frægt fyrir sitt Madeira vín, sem er sterkt vín með mikið geymsluþol og einstaklega fjölbreytt bragð. Vinið er framleitt í fjórum aðalafbrigðum: Sercial, Verdelho, Bual og Malvasia, sem hvert hefur sín sérkenni, frá þurru yfir í sætt bragð.

Funchal er höfuðborg eyjunnar og þar er bæði líflegur miðbær og fallegt hafnarsvæði

Funchal og aðrar borgir

Funchal er höfuðborg eyjunnar og þar er bæði líflegur miðbær og fallegt hafnarsvæði. Þar má finna sögufrægar byggingar, söfn og fjölmarga veitingastaði. Aðrir bæir, eins og Santana með sín einstöku þríhyrndu hús og Machico, sem fyrst byggðist á Madeira, bjóða einnig upp á einstaka upplifun.

Madeira er sannkölluð paradís fyrir þá sem elska náttúru, menningu og góðan mat.

Madeira
Madeira. Myndir Birgir Olgeirsson

PORTÚGALMADEIRAPLAY

.

Madeira. Færslan er unnin í samvinnu við fluglélagið Play.
Auglýsing

Meira úr sama flokki

Essensia – veitingahús

Essensia dscf3801 Essensia dscf3776 

Essensia - Veitingahúsið Essensia á Hverfisgötu stimplar sig strax hressilega inn í veitingahúsaflóru höfuðborgarinnar svo eftir er tekið. Faglega að öllu staðið og hinn ítalski sunnan blær staðarins er kærkomin viðbót í fjölbreyttri matarborg sem Reykjavík er. Klassískir suðrænir bragðgóðir réttir einkenna staðinn. Réttir sem gestir geta deilt og eru hvattir til að deila. Enn ein úrvalsrósin í hnappagat Hákons Más Örvarssonar.