Auglýsing
Petrína Rós karlsdóttir með barnabörnunum leiðsögumaður frönskukennari Clafouti ávaxtapæ frakkland franskur matur tertur pæ frönsk peruterta baka
Petrína Rós með barnabörnunum, systrunum Karólínu og Ísold Thoroddsen.

Um aldamótin þegar ég fór að stússast í sögu franskra sjómanna voru margir sem hjálpuðu til, annars hefði þetta aldrei gengið. Petrina Rós Karlsdóttir leiðsögukona og þýðandi var ein þeirra sem lagðist á árar, var bæði hvetjandi og hjálpsöm á margan hátt. Aðalstarf Petrínu er að kenna menntaskólanemendum frönsku svo fær hún barnabörnin í heimsókn vikulega og kennir þeim frönsku, frönskukennslan í þessari viku snérist um franska matseld, franskar tertur og pæ.

PETRÍNA RÓSFRAKKLANDFRANSKIR SJÓMENNPERUTERTURÁVAXTATERTURPÖNNUKÖKUR

Frönsk peruterta

Frönsk peruterta. „Þessi terta er sígild á mínu heimili og maður fær hreinlega ekki leið á henni því hún er einföld og fljótleg og heilsusamleg, góð bæði heit og köld!“

Undirbúningstími: 20 mín + bökun 25- 35 mín við 200°C í heitum ofni (blásturs)

Frönsk peruterta

Deig: hægt að nota tilbúið deig eða
Uppskrift :
150 g hveiti/spelt
50 g sykur /hrásykur/vanillusykur
1 egg
1 msk volgt vatn
2 tsk vanilludropar
125 g smjör/olía/smjörlíki
Hnoðað og látið standa smástund 10 mín u.þ.b.

Fylling:
2 -3 meðalstórar perur (skrældar og skornar í 4 hluta, tekið innan úr þeim)
eða 4 -5 perur úr dós (1/2 dós )
1 dós sýrður rjómi eða jurtarjómi 200ml
1 egg
30 g möndluflögur/mjöl eða eftir smekk (má sleppa)
50 g sykur/ hrásykur/vanillusykur/
vanillustöng ( 2sm)
Hrært með gaffli.

Deigið flatt út í form 25 sm stungið með gaffli, perum raðað í stjörnu (passa að hafa bita ekki of stóra) og fyllingunni hellt yfir. Látið bakast í 25- 35 mín. Þar til er orðið smá dökkt.

*Spariterta: Hægt er að búa til ávaxtakökur með öðrum ávöxtum svo sem apríkósum, ferskjum, plómum bæði úr dós og ferskum en þá verður að gæta þess að taka steina og hýðið af.

Hægt er að bera kökuna fram með þeyttum rjóma eða ís og borða heita eða kalda.

Clafouti ávaxtapæ

Clafouti ávaxtapæ. „Kaka sem er tilvalið að gera með börnum og í bústaðnum.“
Undirbúningstími: 20 mín + bökun, 35-40 mín við 200°C í heitum ofni (blásturs)

Clafouti ávaxtapæ

Hráefni:
Deig: Pönnukökudeig með a.m.k. 3-4 eggjum
Fylling:
Epli, perur, apríkósur, ferskjur jafnvel bananar það sem til er. Ávextir skornir niður í bita settir í eldfast mót. Deiginu hellt yfir.
Látið bakast í 40-50 mín eftir ofni, á meðal hita 200°C.

Petrína með Clafouti ávaxtapæ
Frönsk peruterta

— Í KAFFI HJÁ PETRÍNU RÓS —

Auglýsing