Í kaffi hjá Jóhönnu Þórhalls
Á meðan ég var blaðamaður á Gestgjafanum fékk ég reglulega Jóhönnu V. Þórhallsdóttur söngkonu til að útbúa góðgæti fyrir blaðið. Á dögunum hrökk ég illilega við þegar ég áttaði mig á að ekki ein einasta uppskrift er frá henni hér á síðunni. Án þess að hugsa mig tvisvar um hringdi ég í Jóhönnu og hún sagði: „komdu á morgun elskan, auðvitað skal ég útbúa eitthvað”
— JÓHANNA ÞÓRHALLS — FRÆKEX — SÍTRÓNUBÖKUR — EPLAKÖKUR — SÍTRÓNUSMJÖR —
.
Sjúkleg sítrónukaka
Botn:
2,5 dl hveiti
0,5 dl sykur
hálf tsk vanillusykur/dropar
150 g smjör hita ofn í 200°C
Blandið öllu saman í matvinnsluvél og þrýstið í botninn á vel smurðu formi
Bakið í 12-15 mín þar til gyllt
Fyllingin gerð á meðan:
3 egg
2 dl sykur
hálfur dl hveiti
rifinn börkur af 1 sítrónu
6 msk af sítrónu (eða eftir smekk)
Þeytið egg og sykur blandið þvínæst hveitinu með
Bætið sítrónuberki og safa út í og hrærið
Hellið blöndunni yfir forbakaðan botninn og bakið í 10 mínútúr í viðbót
Svo bætti ég smá lemon curd yfir til að fá fallega gula litinn fyrir myndatökuna, en því má sleppa.
Eplabaka – ein sú allra einfaldasta og fljótlega
2 epli
ca 1 bolli haframjöl
um 100 g smjöri
1 tsk kanill
1 msk sykur
Skerið eplin niður og setjið í eldfast form. Blandið saman haframjöli, smjöri, kanil og sykri með höndunum setjið yfir eplin. Bakið í 20 mín á 200°C
Fræhrökkbrauð
1 dl sólblómafræ
1 dl sesamfræ
1,5 dl hörfræ
1 dl graskersfræ
1 tsk salt
2dl gróft eða fínt spelt
1 dl olífuolía
3 dl sjóðandi vatn
Blandið fræjunum saman, salti og spelti blandað vel saman. Hellið olíu og sjóðandi vatni yfir og hrærið saman. Þetta á að vera eins og hafragrautur. Hellið á bökunarpappírsklædda ofnskúffu og breiðið þunnt út. Stráið maldonsalti yfir. Bakið við 150°C í 45 mín. Slökkvið á ofninum og látið standa í 15 mínútur í ofninum. Takið úr og látið kólna. Brjótið í bita.
.
— JÓHANNA ÞÓRHALLS — FRÆKEX — SÍTRÓNUBÖKUR — EPLAKÖKUR — SÍTRÓNUSMJÖR —
— Í KAFFI HJÁ JÓHÖNNU ÞÓRHALLS —
.
