Indverskur kjúklingur Aðalbjargar
Eftir fjörugan fund hjá Kvenfélagi Húsavíkur bauð formaðurinn, Aðalbjörg Sigurðardóttir og Ragnar eiginmaður hennar, okkur í sérdeilis góðan kjúklingarétt með indversku ívafi og súkkulaðimús á eftir.
— INDLAND — KJÚKLINGUR — HÚSAVÍK — SÚKKULAÐIMÚS —
.
Indverskur kjúklingur Aðalbjargar
8 kjúklingabringur, skornar í hæfilega litla bita
Kókosolía til steikingar
Curry-paste (eftir smekk)
Karrý
Um 4 cm ferskt engifer, rifinn
Börkur af 1 lime
Safi úr ½ lime
Kanill, vel af honum
Paprika
Tandoori krydd
Grænmetiskraftur
Salt
Chillipipar, eftir smekk
2 msk hunang
Rúmlega ½ lítri rjómi
(Valfrjálst: maizena til þykkingar – ekki nauðsynlegt)
Aðferð
Hitið kókosolíu á stórri pönnu eða í potti.
Setjið curry-paste og karrý út í olíuna og hitið þar til ilmurinn fer að stíga upp.
Bætið kjúklingnum á pönnuna og steikið þar til hann er kominn með fallegan lit.
Setjið engifer, limebörk og limesafa út í.
Kryddið ríkulega með kanil, papriku, tandoori, grænmetiskrafti, salti og chillipipar.
Hrærið hunanginu saman við.
Hellið rjómanum út í og látið réttinn malla rólega þar til sósan hefur þykknað aðeins og bragðið orðið djúpt og mjúkt.
Ath:
Hægt er að þykkja með smá maizena, en rétturinn verður bragðbetri ef sósan fær einfaldlega að sjóða niður.
Tilbrigði og hugmyndir
Skiptið hunangi út fyrir mangó chutney fyrir sætari og ávaxtaríkari tón.
Steikið epli í þunnum sneiðum upp úr smjöri og kanil og bætið við réttinn.
Framreiðsla
Berið fram með basmati-hrísgrjónum, naan-brauði og gjarnan extra mangó chutney með.
— INDLAND — KJÚKLINGUR — HÚSAVÍK — SÚKKULAÐIMÚS —
.
.
— INDLAND — KJÚKLINGUR — HÚSAVÍK — SÚKKULAÐIMÚS —
— INDVERSKUR KJÚKLINGUR AÐALBJARGAR —
.