Kókosköku- uppskrift múttu!
Enn einn föstudagskaffiglaðningurinn. Sveinbjörg bakaði tertu úr uppskriftasafni ömmu sinnar. Það þarf nú varla að taka það fram að tertan var borðuð upp til agna (af mikilli áfergju).
.
— SVEINBJÖRG — GRAND MARNIER — JARÐARBER — KÓKOSTERTA — FÖSTUDAGSKAFFI —
.
Kókosköku- uppskrift múttu
Botnar:
4 eggjahvítur
1 bolli sykur
2 bollar kókosmjöl
100 g brytjað dökkt súkkulaði
Á milli:
1 peli rjómi
250 g fersk jarðarber
15 makkarónur
Grand Marnier
Þeytið vel saman eggjahvítum og sykri vel saman. Blandið kókosmjöli og súkkulaði varlega saman við. Setjið í 2 form bakið við 150 gr í ca 30 mín. kælið
Setjið annan botninn á tertudisk. Þeytið rjómann, skerið jarðarberin gróft og blandið þeim saman við – dreifið yfir botninn. Vætið makkarónukökurnar í Grandi og leggið ofan á. Setjið loks hinn botninn yfir. Látið tertuna standa í ísskáp í nokkrar klukkutíma áður en hún er borin fram.
–
— SVEINBJÖRG — GRAND MARNIER — JARÐARBER — KÓKOSTERTA — FÖSTUDAGSKAFFI —
— KÓKOSKÖKU – UPPSKRIFT MÖMMU —
–
Þessi er líka rosaleg góð með rabbabararjóma á milli:
ca. 600 gr. rabbabari og vanillusykur bakaður í ofni í klukkustund, álpappír yfir.
Sett í sigti og rabbabarinn kældur og maukaður í sigtinu með gafli.
Blandað við þeyttan rjóma þegar rabbabarinn er kaldur og búið að leka úr honum vökvinn.
kv.Ólöf
Comments are closed.