Skessuskot
Elsa Sigrún frænka mín bakað þessa tertu þegar saumaklúbburinn hennar útbjó HLAÐBORÐ fyrir blað Franskra daga. Ætli þessi terta geti ekki flokkast sem stríðsterta?
— SAUMAKLÚBBUR — TERTUR — NÓA KROPP — FRANSKIR DAGAR — FÁSKRÚÐSFJÖRÐUR — MARENGS — RICE KRISPIES —
.
Skessuskot
Botnar:
4 eggjahvítur
100 g sykur
50 g púðursykur
1 tsk. lyftiduft
2 bollar Rice crispies
Stífþeytið eggjahvítur og sykur. Blandið lyftidufti og rice crispies saman við en passið að hræra ekki mikið eftir að allt hráefnið er komið í skálina. Setjið í tvö form og bakið við 160°c í 45 mín.
Krem:
4 eggjarauður
60 g flórsykur
50 g smjör
150 g súkkulaði
½ dl Amarulla líkjör
Þeytið saman eggjarauður og flórsykur þar til blandan er ljósgulleit og loftkennd. Bræðið saman smjör og súkkulaði og blandið saman við eggjarauðurnar. Að lokum er Amarulla bætt útí og hrært vel.
Á milli:
300 ml þeyttur rjómi. Jarðarber, vínber, bláber, Nóa kropp
Samsetning:
Setjið annan botninn á disk og smyrjið ca ¾ af kreminu ofan á botninn. Setjið þeyttan rjóma ásamt niðurbrytjuðum berjum þar ofaná og lokið með hinum botninum. Látið afganginn af kreminu drjúpa yfir kökuna og skreytið með Nóa kroppi og ávöxtum.
.
— SAUMAKLÚBBUR — TERTUR — NÓA KROPP — FRANSKIR DAGAR — FÁSKRÚÐSFJÖRÐUR — MARENGS — RICE KRISPIES —
— Skessuskot —
.
