Brunnhóll á Mýrum í Hornafirði
Hótelið að Brunnhóli á Mýrum í Hornafirði nýtur sívaxandi vinsælda, kannski ekki síst því að það er svolítið eins og að dvelja á notalegu heimili, enda er það fjölskyldurekið og viðmótið hlýlegt. Hér er byggt á óþrjótandi gestrisni og dugnaði og það skilar sér.
— BRUNNHÓLL — HORNAFJÖRÐUR — JÖKLAÍS — FERÐAST UM ÍSLAND —
.
Einmitt þess vegna er hótelið ört stækkandi. Í nýjustu álmunni eru glæsileg herbergi, en um leið heimilisleg með viðarþiljum á veggjum og værðarvoðum úr ull. Hér er gott að teygja úr sér. Í nr. 125 var dásamlegt útsýni til vesturs og norðurs, þar sem Fláajökulinn ber við himin.
Þau Sigurlaug Gissurardóttir og Jón Kristinn Jónsson voru í hópi frumkvöðla í ferðaþjónustu . Þegar upp úr 1980 var kominn vísir að ferðaþjónustu á Brunnhóli. Sl. ár hafa erlendir ferðamenn vissulega fyllt hvert rými, en í sumar hafa Íslendingar heldur betur uppgötvað þessa perlu, svo að þurft hefur að bæta við starfsfólki.
Enda kunna gestir greinilega að meta góða þjónustu og umhverfi á viðráðanlegu verði, lausir við ys og þys stórborgar, en njóta sveitaakyrrðarinnar með eitt og eitt baul í fjarska frá kúnum sem færa okkur mjólkina í hinn landsfræga Jöklaís.
— BRUNNHÓLL — HORNAFJÖRÐUR — JÖKLAÍS — FERÐAST UM ÍSLAND —
.
