Steikt andalæri

Það er hægt að fá nokkrar gerðir af andalærum í stórum niðursuðudósum, oftast eru 4-5 læri í hverri dós. Aðferðin er einföld. Takið lærin úr dósinni með töng og raðið í form. Hellið ca 1 dl af fitunni yfir þau og bakið í 12-15 mínútur á 180°C. Yfirleitt þarf ekki að krydda. Það er upplagt að skera niður grænmeti, setja svolítið af andafitunni yfir og baka í ofni (lengur en lærin) og bera fram með salati og bláberjasultu. Geymið afganginn af andafitunni í ísskáp til síðari tíma.

— ENDUR — KJÖT — BLÁBERJASULTA —