Bláberjasulta

Það er algjör óþarfi að setja hleypi í bláberjasultu. Með því að tína með óþroskuð ber (samt ekki of mikið af þeim) og sjóða með hleypur sultan betur. Svo má alltaf krydda lítið eitt, t.d. með kanil, vanillu, negul, chili eða engifer. Vatnið í uppskriftinni er til þess að berin brenni ekki við í upphafi.

🇮🇸

— BLÁBER — SULTUR — SUMAR… — VÖFFLUR —

🇮🇸

Bláberjasulta

1 kg bláber

550 – 600 g sykur

örlítið vatn

1/3 tsk salt

1 tsk sítrónusafi

Setjið allt í pott og sjóðið í um 15 mín, án loks. Merjið með kartöflupressu og sjóðið áfram í um 5 mín. Setjið í tandurhreinar krukkur og lokið þeim strax. Kælið.