Auglýsing
Paella fyrir Sætabrauðsdrengi Hamrar Ísafjörður Hæstikaupstaður Sætabrauðsdrengirnir: Halldór, Viðar, Bergþór, Gissur Páll og Hlöðver
Sætabrauðsdrengirnir: Halldór, Viðar, Bergþór, Gissur Páll og Hlöðver

Eins og áður hefur komið fram hér á síðunni er einstaklega gaman að gefa Sætabrauðsdrengjunum að borða. Eftir vel heppnaða tónleika piltanna ærslafullu var boðið upp á paellu sem þeir gerðu góð skil.

Sætabrauðsdrengirnir verða með tónleika í Salnum föstudaginn 8. október.

PAELLASÆTABRAUÐSDRENGIRNIRSPÁNN

.

SætabrauðsdrengjaPaella

Paella fyrir Sætabrauðsdrengi

1 laukur smátt skorinn
2 dl ólífuolía
saffran
1 rauð lítil paprika söxuð gróft
4-5 hvítlauksrif
500 g risottohrísgrjón
250 ml vatn
Einn kjúklingur, eldaður, úrbeinaður og skorinn í bita
100 g surimi
12-15 risarækjur
1 b – grænar baunir (ekki niðursoðnar heldur frystar)
3 tómatar, saxaðir gróft
salt og pipar
chorizo pylsur
sítróna og steinselja til skrauts

Saxið lauk og léttsteikið í olíunni. Bætið við saffran, papriku, hvítlauk og hrísgrjónum. Látið grjónin veltast á pönnu áður en vatninu er bætt við smátt og smátt. Hrærið reglulega í (tekur amk 20 mín) Bætið við kjúklingi, surimi, baunum, salti og pipar og blandið vel saman. Bætið við vatni eftir þörfum. Skerið pylsunar í bita og bætið við. Raðið rækjum og surimi yfir og skreytið með steinselju og sítrónu.

Campo Viejo Crianza passar vel með paellu
Troðfullt í Hömrum á Ísafirði og gríðarleg stemning

.

— PAELLA FYRIR SÆTABRAUÐSDRENGI —

.

Auglýsing