Flóruspilið – fróðleikur og skemmtun
Guðrún Bjarnadóttir vinkona mín í Hespuhúsinu, rétt fyrir vestan Selfoss, er hugmyndarík með eindæmum. Meðal þess sem fæst hjá henni eru þetta fallega Flóruspil sem er alfarið hennar hugmynd. Stokkurinn gengur upp eins og hefðbundinn spilastokkur 52 spil og 4 spil í hverri tegund. Ennig fylgir með regluspjald.
— HESPUHÚSIÐ — GUÐRÚN BJARNADÓTTIR — SELFOSS — LEIKIR — SPIL —
.
Á heimasíðu Hespuhússins er eftirfarandi texti:
Spilið er í anda spilsins “veiðimaður” þar sem markmiðið er að safna fjögurra spila samstæðum en í stað hefðbundinna spila þá er spilað með íslenskar plöntutegundir. Á spilunum eru upplýsingar um grasnytjar og þjóðtrú ásamt latínuheiti, gróðurlendi og ætt. Spilið er hugsað til fróðleiks og skemmtunar. Flóruspilið fyrsti stokkur kom út árið 2021 og Flóruspilið annar stokkur kom út í vor með 13 nýjum tegundum til að spila með og fræðast um. Sölustaðir eru víða um land, sjá HÉR og svo í Hespuhúsinu.
Það er vel þess virði að stoppa í Hespuhúsinu, þar kennir ýmissa grasa – sjón er sögu ríkari eins og þar stendur. Svo er nú gaman að segja frá því í lokin að Baby Ruth tertan er komin frá Guðrúnu 🙂
— HESPUHÚSIÐ — GUÐRÚN BJARNADÓTTIR — SELFOSS — LEIKIR — SPIL —
.
