Tres Locos
„Ert’ekki að grínast, þetta er besti matur sem ég hef fengið”, sagði Marsibil sem fór með öfum sínum á Tres Locos, mexíkóska veitingastaðinn í Hafnarstræti. Hún er stemningskona og staðurinn er einmitt fullur af stemningu. Tónlistin gefur tóninn, Oye como va, Chiquita Pero Picosa, Mas Que Nada o.s.frv.
Andrúmsloftið er líflegt, hönnun staðarins litrík og full af forvitnilegum hlutum sem fanga augað, mexíkóskur andi svífur yfir vötnunum, án þess að það sé yfirdrifið.
Alexander sá mest um okkur, en þjónustan var sérlega þægileg, glaðleg og laus við tilgerð. Létt og bragðmikið taco, tostadas, fajitas, quesadillas og alls konar gúmmelaði. Við vorum hæstánægð.
— VEITINGASTAÐIR — ÍSLAND — MEXÍKÓ —
.
AÐ LOKUM:
Okkur finnst mjög gaman að fara út að borða, smakka nýja rétti og deila með gestum síðunnar.
Ef þið viljið umfjöllun er netfangið albert.eiriksson@gmail.com
— VEITINGASTAÐIR — ÍSLAND — MEXÍKÓ —
.
