Sérrítriffle

Er eitthvað hátíðlegra en triffle, hvort sem það er sérrí eða ekki? Sérrírtiffle er einn af þessum klassísku eftirréttum sem hefur staðið af sér allar tískubylgjur.

Eins og gengur eru til óteljandi útgáfur af triffle og flestar komnar langt frá þeirri upphaflegu. Triffle kemur fyrst fram í uppskriftabókinni The Good Huswifes Jewell eftir Thomas Dawson. Bókin kom út í Englandi 1585 og þar er triffle þeyttur rjómi bragðbættur með sykri, engifer og rósavatni.

— EFTIRRÉTTIR — SÉRRÍ — MAKKARÓNUR — JÓLIN — FÉLAG AUSTFIRSKRA KVENNA — TRIFFLE — FRÓMAS —

Sérrítriffle

3 blöð matarlím
20 litlar makkarónukökur
2 egg
1/4 l rjómi
Jarðarber úr dós + sérrí eftir smekk
2-4 msk sykur, eftir smekk
50-75 gr saxað súkkulaði (má vera rjómasúkkulaði og/eða suðusúkkulaði)
3-4 cl Kahlúa líkjör
Jarðarber eða kirsuber til skrauts

Leggið matarlím í bleyti í kalt vatn, raðið kökunum á botn skálarinnar ásamt jarðarberjum (magn eftir smekk). Bleytið upp í kökunum með smá jarðarberjasafa og sérríi, eftir smekk.
Þeytið rjómann og eggin í sitt hvoru lagi, fyrst rjómann með ögn af sykrinum og svo eggin með afganginum af sykrinum. Blandið svo þeytta rjómanum og eggjaþeytingnum varlega saman.
Saxið súkkulaðið smátt og setjið í blönduna ásamt líkjörnum.
Kreistið blöðin, bræðið yfir gufu í ögn af jarðarberjasafanum. Blandið líminu í rjóma- og eggjablönduna og hellið yfir kökurnar og jarðarberin í skálinni.
Skreytið ábætinn með rjómatoppum og jarðarberjum/kirsuberjum.