Far breton – ein frægasta kaka Bretaníuskagans
Far breton er frægasta kaka Bretaníuskagans í Frakklandi. Það eru til mjög mörg afbrigði af þessari köku og hún heitir í raun Farz fourn á bretónsku sem þýðir „kaka í ofni“. Þekktasta kakan inniheldur sveskjur, en í upprunalegu kökunni voru engar sveskjur.
— FRAKKLAND — SVESKJUR — BRETAGNE —
.
Far breton – ein frægasta kaka Bretaníuskagans
400 gr sveskjur
4 egg
250 gr hveiti
Salt á hnífsoddi
20 gr sykur
4 dl mjólk
Flórsykur til að skreyta með
Lagið einn bolla af tei og bíðið þar til það er volgt. Látið rúsínurnar og sveskjurnar liggja í teinu þar til þær hafa tútnað út (u.þ.b. 1 klukkutími). Hellið svo vökvanum af.
Takið steinana úr sveskjunum ef þeir eru.
Pískið saman eggjunum og mjólk.
Setjið hveitið í stóra skál, bætið salti og sykri saman við og hellið svo eggjahrærunni út í. Að lokum er rúsínunum og sveskjunum bætt út í og allt hrært vel saman.
Smyrjið 24 sm hringlaga form, hellið deiginu í og bakið í u.þ.b. 1 klst,við 200°C, efsta lagið á að vera brúnleitt. Stráið flórsykri yfir þegar kakan er tilbúin.
— FRAKKLAND — SVESKJUR — BRETAGNE —
.
