Fjallað er um landnám norrænna manna á Grænlandi og fund Ameríku á Vínlandssetrinu í Búðardal. Við erum að tala um löngu, löngu áður en einhver Kristófer Kólumbus kom við sögu. Stuðst er við Eiríks sögu rauða og Grænlendinga sögu.
Sýningin er gríðarlega haganleg og vel uppsett. Maður fær heyrnartól og gengur á milli lítilla bása með myndefni. Við nutum þess mjög vel, en þó tók ég eftir að hvergi var getið um rannsóknir Páls tengdapabba, en hann sannaði að Íslendingar hefðu farið mun vestar en áður var talið, enda útilokað að þeir hafi fundið vínvið í L´Anse aux Meadows, þar sem er kaldara en hér.
Engu að síður er sýningin mjög fróðleg og skemmtileg, jafnt fyrir þá sem hafa pælt í efninu og leikmenn.
— VÍNLANDSSETUR — BÚÐARDALUR — EIRÍKSSTAÐIR — DALAKOT — FERÐAST UM ÍSLAND —
Þessi saga tengist Dölunum sterkum böndum. Frá Eiríksstöðum í Haukadal hélt Eiríkur rauði árið 1000 í vesturátt og fann Grænland. Þaðan fór síðar sonur hans Leifur heppni og fann Ameríku fyrstur norrænna manna.
Vínlandssetrið – Leifsbúð
Búðarbraut 1, 370 Búðardal
S. 434 1441 og info@vinlandssetur.is – VÍNLANDSSETUR.IS
— FERÐAST UM ÍSLAND — EIRÍKS SAGA RAUÐA – GRÆNLENDINGASAGA —
