Rauðrófusalat með eplum og fetaosti

Salat úr hráum rauðrófum, grænu epli, fetaosti, ristuðum valhnetum og grænu salati er sannkölluð litadýrð á disknum og fullkomið fyrir þá sem vilja njóta bragðgóðrar og hollrar máltíðar.

Rauðrófur gefa náttúrulega sætu og fallegan rauðan lit. Fetaosturinn gefur salatinu saltan og mjúkan keim, ásamt því að bæta við próteinum og kalki. Ristuðu valhneturnar veita kröftuga áferð og heilbrigðar ómettaðar fitusýrur, ásamt vítamínum og steinefnum. Græna salatið er ferskt og létt en inniheldur andoxunarefni, járn og C-vítamín.

Þetta salat er ekki aðeins hollt og litríkt heldur einnig frábært sem létt máltíð eða meðlæti sem fær bæði augu og bragðlauka til að njóta.

— RAUÐRÓFUR — EPLI — FETA — SALÖT — VALHNETUR —

Rauðrófusalat með eplum og fetaosti

2 meðalstórar hráar rauðrófur
1 stórt grænt epli (skorið í frekar smáa bita)
1 b fetaostur
1/3 b ristaðar valhnetur
Handfylli af grænu salati (t.d. klettasalat, spínat)

Dressing

2 msk ólífuolía
1 msk sítrónusafi
1 tsk hunang
Salt og pipar.

- - Skrælið rauðrófurnar og rífið þær með grófu rifjárni.
  - Setjið rauðrófur, epli og salat í stóra skál.
  - Dreifið fetaosti og valhnetum yfir.
  - Stráið ferskri steinselju yfir.
  - Dressing:
    - Hristið saman ólífuolíu, sítrónusafa, hunangi, salti og pipar í krukku með loki. .
  - Hellið dressingunni yfir salatið og blandið öllu varlega saman.
  - Berið fram strax.