Sítrónukaka með vanillu og sítrónusírópi

Mikið lifandi ósköp sem góðar sítrónukökur eru ljúffengar – vanillusítrónusírópið toppar svo allt. Sítrónukökuna hef ég líka bakað í tertuformi og borið fram heila með þeyttum rjóma – hún er alltaf góð.

— SÍTRÓNUKÖKUR — VANILLA — BJÖRK JÓNSD —

Hjónin Björk Jónsdóttur og Kjartan Oddur Jóhannsson eru lengst til vinstri. Aðrir gestir í boðinu: Arndís Jónsdóttir og Arnaldur Valgarðsson. Ragnheiður Jónsdóttir og Sigurgeir Steingrímsson. Sigrún Erla Sigurðardóttir og Egill Jóhannsson. Sturla Þór Jónsson og Signý Sæmundsdóttir.

Fremst á myndinni er **marengsrúlluterta með hindberjarjóma**, **melónusalat**, **vatnsdeigsbollur með silungasalati** og sítrónukakan t.h.

Sítrónukaka með vanillu og sítrónusírópi

4 egg
240 gr sykur
200 gr hveiti
1 tsk lyftiduft
1 dl rjómi
100 gr smjör, brætt
börkur af 2 sítrónum
Hitið ofninn í 170°C

Þeytið egg og sykur þar til blandan verður ljós og loftkennd.
Bætið hveiti, lyftidufti, rjóma, smjöri og sítrónuberki út í deigið.
Setjið bökunarpappír í botninn á 22 cm kringlóttu smelluformi, jólakökuform eða ferkantað smelluform 23×23 cm.
Hellið deiginu í formið og bakið kökuna í u.þ.b. 40 mín.

Vanillu – sítrónusíróp

200 gr sykur
1 ½ dl vatn
Safi úr 3 sítrónum
1 vanillustöng

Setjið sykur, vanillustöng, vatn og sítrónusafa í pott. Skerið vanillustöngina eftir endilöngu og skafið kornin innan úr. Sjóðið vel saman. Hellið helmingnum yfir kökuna og hvolfið á tertudisk. Berið afganginn af sírópinu fram með kökunni ásamt þeyttum rjóma.