Lime ostakaka Soffíu
Soffía Jóhanna Gestsdóttir hafði samband og bauðst til að halda kaffiboð fyrir matarbloggið sem ég þáði með mikilli ánægju. Hún vildi sýna örlítinn þakklætisvott fyrir allar þær fjölmörgu uppskriftir sem hún hefur fengið að njóta á alberteldar.is frá upphafi. Meðal þess sem hún bauð uppá var þessi lime-ostakaka. VEISLAN ER HÉR.
— LIME — LIMETERTUR — SOFFÍA JÓHANNA — KAFFIBOÐ —
🍋🟩
Lime ostakaka Soffíu
300 g súkkulaðikex með súkkulaði (með mjólkursúkkulaði finnst það betra)
80 gr brætt smjör
Fylling
4 matarlímsblöð
400 g rjómaostur
100-150 gr flórsykur (eftir smekk)
4 msk lime safi
5 dl þeyttur rjómi
Mylja kexið í blandara setja út í það brætt smjör og setja mylsnuna innan í hring sem er staðsettur á kökudiski)
Matarlímið lagt í kalt vatn í 10 mín síðan kreist og brætt með lime safanum annað hvort yfir vatnsbaði eða í örbylgjuofni.
Rjómaostur og flórsykur þeytt vel saman.
Rjóminn þeyttur.
Matarlímið er sett út í rjómaostblönduna í mjórri bunu(ylvolgt mjög áríðandi)
hrært vel í, og að lokum þeyttum rjómanum bætt út í í rólegheitum)
Hellt yfir kexbotninn og sett í kæli. Gott að frysta svona köku.
Skreytt með þeyttum rjóma og lime sneiðum. Mjög flott
Berjasósa með kökunni:
Frosin ber sykur og smá vatn soðið saman og mixað með blandara.(jarðarberin hafa verið vinsælust hjá mér).
— LIME — LIMETERTUR — SOFFÍA JÓHANNA — KAFFIBOÐ —
🍋🟩
