Chai te eða kryddte er allra meina bót og virkar einnig fyrirbyggjandi. Hér á bæ fáum við okkur Chai te við og við og verður okkur vart misdægurt – hvort sem það er teinu að þakka eða öðru. Það eru til fjölmargar uppskriftir af Chai tei. Eftir skoðun með aðstoð google sýnist mér aðaluppistaðan vera svipuð og er hér að neðan. Margir tala um hve orkugefandi það sé. Þrátt fyrir margar kryddtegundir, og sumar sterkar, er teið bæði milt og bragðgott. Ágætt er að hafa í huga að það er ekki sama hunang og hunang, í mörgum tegunum er viðbættur hvítur sykur. Vandið því valið næst þegar þið kaupið ykkur hunang. Einnig er gott að nota í Chai te fennel, hvítlauk eða anis.
Chai te
3 bollar vatn
10 piparkorn
2 cm engifer
1-2 kanilstangir (eða kanill)
8-10 kardimommur
8-10 negulnaglar
smá múskat
1 msk. svart te
1 msk gott hunang
1-2 b. (soya)mjólk
Setjið vatnið og kryddin í pott og látið sjóða í 2-3 mín. Bætið þá út í hunangi og mjólk og hitið að suðu. Síið kryddin frá og drekkið.
Athugið að þessi hlutföll eru alls ekkert heilög, verið óhrædd við að þróa ykkar útgáfu af Chai tei
