Pistasíukaka – ólýsanlegt hnossgæti

Pistasíukaka – ólýsanlegt hnossgæti pistasíur hnetur sítróna hunang möndlur
Pistasíukaka – ólýsanlegt hnossgæti

Pistasíukaka

Einhverju sinni hringdi Benni í mig og benti mér á köku sem inniheldur sítrónur, pistasíuhnetur og möndlur. Að sögn var hún hreint ólýsanlegt hnossgæti. Samsetningin kom mér forvitnilega fyrir sjónir svo ég stóðst ekki mátið, varð mér úti um uppskriftina og bakaði kökuna á sunnudagssíðdegi við ljúfan undirleik Rásar 1. Það er gaman að segja frá því að pistasíukakan stóð fyllilega undir þeim væntingum sem við hana voru bundnar. Volg er hún lostæti, en köld er hún líka einkar ljúffeng.

PISTASÍURBRAUÐ — HNOSSGÆTI —

Pistasíukaka

250 g mjúkt smjör

1 bolli sykur

4 egg

2 msk góð olía

1 tsk vanilla

1/2 tsk salt

börkur af einni sítrónu (fínt rifinn)

safi úr 1/2 sítrónu

4 msk hveiti

100 g möndlur

120 g pistasíur

Þeytið smjör og sykur vel og bætið eggjunum við, einu í einu. Bætið vanillu við ásamt olíu, sítrónuberki, sítrónusafa, salti, hveiti, söxuðum möndlum og pistasíum.  Setjið bökunarpappír í jólakökuform, deigið þar í og bakið í 50-60 mín. við 160°C. Látið kólna lítið eitt í forminu.

Ofan á:

1 sítróna

60 g pistasíur

70 g strásykur

smá salt

Rífið sítrónubörk gróft og kreistið safann. Skerið pistasíur í helminga. Setjið sykur og sírónusafa í pott og sjóðið þangað til það er orðið að sírópi. Bætið berkinum við og loks pistasíunum og hellið yfir kökuna.

Unga stúlkan sem hlær svo dátt á myndinni heitir Anna Gunndís og er oft kölluð Dunda – hún er mjög skemmtileg
Auglýsing

Meira úr sama flokki

Hjónabandssæla Gústu

IMG_4259IMG_4271

Hjónabandssæla Gústu.  Á ferð okkar um Norðurland bauð Hólmfríður Benediktsdóttir okkur í kaffi. Margt er það sem gleður okkur en fátt eins og heimabakað bakkelsi. Uppskriftin er frá Gústu tengdamóður Hólmfríðar

Bananabrauð

Bananabrauð. Ilmurinn af nýbökuðu bananabrauði fyllir vitin, brauðið rennur ljúflega niður með góðu hollu viðbiti. Best er að nota vel þroskaða banana. Einfalt og gott brauð - bökum og bökum :)

Gautaborg – matarborgin fjölbreytta

Gautaborg - matarborgin fjölbreytta. Þar eru fjölbreyttir matsölustaðir og kaffihús á hverju götuhorni og matarmenningin á háu stigi enda nokkrir Michelin staðir í borginni. Það er gaman að heimsækja Gautaborg, hún er draumur fyrir allt mataráhugafólk, ekki síst grænmetis/veganfólk. Gautaborg kom okkur mjög á óvart, skemmtilega á óvart.

Fyrri færsla
Næsta færsla