Það er nú gaman að segja frá því að matarbloggið mitt er eins árs í dag. Fyrsta uppskriftin var af eplatertu. Best að halda upp á daginn – takk fyrir frábærar mótttökur. Mun meiri umferð en ég nokkru sinni lét mig dreyma um. Einn daginn fóru rúmlega átján þúsund manns inn. Síðustu vikur hef ég haldið nokkur námskeið um gott mataræði og betra líf.
Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.
Kryddbrauð mömmu. Ó hvað kryddbrauð er gott, bæði ilmurinn sem kemur þegar það er í ofninum og líka nýbakað brauðið með góðu viðbiti. Einfalt og gott
Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.
RABARBARAPÆ Alberts. Eitt vinsælasta kaffimeðlæti síðustu ára hefur verið rabarbarapæ, öll árin sem ég rak sumarkaffihús...
Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.
Albert eldar er uppskrifta- og upplýsingavefur Alberts Eiríkssonar. Hann fór fyrst í loftið 15. febrúar 2012 og hefur síðan þá notið mikilla vinsælda.
Albert eldar is run by renowned icelandic chef and culinary enthusiast Albert Eiriksson. The website was launched in 2012 and has since then been very popular in Iceland.
