Spaghetti með túnfisksósu. Með því að glugga (gúggla) má komast að því að hæfilegt er að áætla 100 g af ósoðnu spaghettíi á mann. Speltspaghettí bragðast nákvæmlega eins og spaghettíið úr hvíta hveitinu og þarf álíka langa suðu. Fann óvænt eina dós af sardínum í eldhússkápnum, saxaði þær niður og setti út í sósuna. Og smá gagnslaus fróðleikur: Heimsmetið í að sjóða spaghettí var sett árið 2009 þegar rúm sex tonn voru soðin í einu í sundlaug í Kaliforníu….
Spaghetti með túnfisksósu
Sjóðið spaghettíið samkvæmt leiðbeiningum á pakkningunni.
Sósa:
1/2 hvítlaukur
1/2 laukur eða svipað magn af blaðlauk
1 dl góð olía
2 dósir túnfiskur í vatni
ca 70 g parmesan ostur, rifinn
1/2 l rjómi
salt og pipar
fersk steinselja, söxuð
Saxið smátt hvítlauk og lauk og steikið í olíunni. Bætið við túnfiski (og vatninu líka), parmesan osti, rjóma, salti og pipar. Látið malla í við lágan hita í um fimm mín.
Látið spaghettíið á disk og vænan slurk af sósu yfir. Stráið vel af steinselju yfir.
