Sítrónuterta með stóru S-i

Sítrónuterta, sítróna, terta, kaffimeðlæti Sítrónuterta með stóru S-i baka kaka lime sítrónukaka
Sítrónuterta með stóru S-i

Sítrónuterta með stóru S-i

Sítrónur gera suma rétti enn betri, stundum smá mótvægi við sætindin. Sjálfur er ég afar hrifinn af sítrónum í mat þar sem þær eiga við. Hins vegar rak ég upp stór augu þegar ég sá allan þann sítrónusafa sem notaður er í þessa tertu. En mikið óskaplega bragðast hún vel með góðum kaffibolla. Tertan var borin fram volg með vanilluís.

🍋

TERTURSÍTRÓNURKAFFIMEÐLÆTI

🍋

Sítrónuterta með stóru S-i

2 b sykur
3 egg
rifinn börkur af 3 sítrónum
safi úr 2 sítrónum
1 b olía
1 b hrein jógúrt
2 1/2 b  hveiti

Sítrónusíróp ofan á:

1/2 b ferskur sítrónusafi
3/4 b sykur
6-8 möndlur, saxaðar gróft
1msk rifinn lime börkur
1 msk rifinn sítrónubörkur
1/4 b vatn.

Hrærið vel sama egg og sykur, bætið við sírtónuberki, sítrónusafa, olíu og jógúrt. Blandið að lokum hveiti saman við. Bakið í frekar stóru kringlóttu formi við 170° í um 35-40 mín.

Á meðan kakan bakast, útbúið sírópið. Setjið í pott sítrónusafa, sykur og vatn og látið sjóða í um 10 mín (eða lengur) bætið við berki og möndlum og veltið þeim í sírópinu í nokkrar mín. Hellið yfir tertuna á meðan hún er enn heit.  Berið tertuna fram með ís eða rjóma.

TERTURSÍTRÓNURKAFFIMEÐLÆTI

— SÍTRÓNUTERTA MEÐ STÓRU S-I —

Auglýsing

Meira úr sama flokki

Hnetuhrískex – undurgott hollustunammi

Hnetuhrískex

Hnetuhrískex. Stundum fæ ég sendar uppáhalds uppskriftir fólks. Lísa sendi mér þetta hnetuhrískex sem er verulega gott nammi. Undurgott hnetuhrískex getur bætið verið fyrirtak með góðum kaffisopa og líka sem hollustunammi milli mála.

Fyrri færsla
Næsta færsla