Gultótaterta. Það er kjörið að prófa nýtt kaffimeðlæti þegar gesti ber að garði. Á sunnudaginn komu hingað nokkrar skvísur í kaffi. Skellti í gulrótatertu sem lukkaðist mjög vel og var borðuð upp til agna….
Gulrótaterta
Botn:
1/2 b döðlur
1 1/2 b hnetur (ég notaði möndlur og valhnetur)
3 msk brædd kókosolía
smá salt
Á milli:
1 b valhnetur
1 b döðlur
1 msk kanill
1 tsk engifer
1/4 tsk múskat
2 b rifnar gulrætur
1/2 b rúsínur
smá salt
Krem:
1 b kasjúhnetur
1 tsk vanilla
5 döðlur
1 mangó
1 msk sítrónusafi
Botninn: Leggið döðlur í bleyti í um klst. Setjið í matvinnsluvél ásamt hnetum, kókosolíu og salti. Þjappið í tertuform og kælið.
á milli: Setjið valhnetur, döðlur, kanil, engifer, múskat, rifnar gulrætur, rúsínur og salt í matvinnsluvél og maukið. Setjið yfir botninn og kælið áfram.
Krem: Segjið allt í matvinnsluvél og látið á tertuna. Skreytið með kókosmjöli og kíví.
